Android
Android — ლინუქსის გერსხილი ოპერაციული სისტემა, ნამუთ მუშენს სმარტფონეფს, ტელევიზორეფს, სათეფს, მანქანეფს დო პლანშეტურ კომპიუტერეფს.
აკიქიმინჷ გუგლიშ ფინანსური ალარინათ, 2005 წანას - თინა კინ მუ გუგლიქ ქიჸიდჷ. ანდროიდიშ სისტემათ მომუშე მაართა ტელეფონი რდჷ HTC Dream, ნამუთ 2008 წანაშ გჷმათუთაშ გიშართჷ გიმაჩამშა. ამდღა ანდროიდიშ არძა აპლიკაცია აკოშაყარელი რე Google Play-ს. 2012 წანას აპლიკაციეფიშ მუდანობა 700000 რდჷ, გინოჭარუეფიშ მუდანობა - 25 მილიარდის მითმიოჭირინუანდჷ. ამდღარშო ანდროიდი არძაშე ფართოთ გოფაჩილი ოპერაციული სისტემა რე ედომუშამ მოსოფელს. 2012 წანას, თიში საბაზრო წილი 75% რდჷ. ასე ანდროიდიშ სისტემას მოხანდე ელექტრო მონწყილობეფს ორთუ მუსხირენი ჩინებული კომპანია: HTC, სამსუნგი, Google Nexus, სონი, ჰუავეი დო თ.უ.
| Android | |
|---|---|
| UNIX-იშ მოგვენი-შ ვერსია | |
 | |
| მაწარმაფალი | |
| Google, Open Handset Alliance | |
| ნინა | 100+ |
| ვებ-ხასჷლა | android.com |
| გიშაშქუმალეფი | |
| გიშაშქუმალაშ თარიღი | ეკენია 23, 2008 |
| მიმალი ვერსია | Android 13 (მარაშინათუთა 15, 2022) |
| ლიცენზია | Apache-შ ლიცენზია 2.0 GNU GPL v2 ლინუქსიშ გვირზილი მოდიფიკაციაშო |
| ბირთვიშ ტიპი | მონოლითური (მოდიფიცირafiლი ლინუქსიშ გვირზილი) |
| წჷმოხიანი | Android 12 |
| გეჸვენჯი | Android 14 |
ისტორია
კორპორაცია „ანდროიდიქ“ დირსხუ 2003 წანას, კალიფორნიაშ შტატის დო თიშ დჷმარსხუაფალეფი რდეს ენდი რუბინი, რიჩ მინერი, ნიკ სირსი დო კრის უაიტი. რუბინიშ ზიტყვეფით, მათ ღანკი რდჷ „ჭკვერი მობილური მონწყილობეფიშ აკოქიმინუა, ნამუსთ არჩქვენუდჷ მუშ მაღვენჯიშ აბანორენი დო კონფიგურაციეფი“.
დუდმაართათ, კომპანია ცადენდჷ გუვითარებუდუკო ოპერაციული სისტემა ცირფული კამერეფშო, მარა უკული გჷნოჭყვიდეს, ნამჷ-და თე ბაზარი ობაღინეთ დიდი ვარდჷ დო სმარტფონიშ ოპერაციული სისტემაშ აკოქიმინუაშა გეგნორთეს. კორპორაციაქ ცადჷ აკუქიმინუდუკო Symbian-იშ დო Windows Mobile-იშ კონკურენტი სისტემა.
„ანდროიდი“ ნოფულო ხანდენდჷ; ხვალე თინა რდჷ ჩინებული, ნამჷ-და კორპორაცია მობილური ტელეფონეფშო დორხველურ პროგრამას ონწყუნდუნ.
2005 წანაშ 17 მარაშინათუთას Google-იქ კორპორაცია „ანდროიდი“ ქიჸიდჷ, თიშ დჷმარსხუაფალეფი - კომპანიაშ ოდუდეს ქჷდიტუ. თიმ ბორჯიშო, კორპორაციაშ გეშა მიარე მუდგაინ უჩინებუ რდჷ, მორო მიოჩქუდეს, ნამჷ-და Google თე ბიჯგით მობილური ტელეფონეფიშ ბაზარშა მიშულას ცადენდჷ.
გჷმორინაფონობა
2012 წანაშ მესიშ მუნაჩემეფით, ანდროიდი არძაშე პოპულარული მობილური ოპერაციული სისტემა რე; თაშნეშე რე ბაზარიშ ლიდერი ქიანეფიშ უმენტაშობას, თინეფს შქას ააშ-ს.
2013 წანაშ ეკენიაშო, დოხოლაფირო 1 მილიარდი ართული ანდროიდით მოხანდე მონწყილობა რდჷ აქტივირაფილი.
რესურსეფი ინტერნეტის
შეგილებუნა ქოძირათ მედიაფაილეფი თემაშე „Android“ ვიკიოწკარუეს.- ანდროიდიშ ოფიციალური საიტი
- Google Play
- Android ლაჸაფეფი Archived 2014-11-29 ვებ-ხასჷლას Wayback Machine.
სქოლიო
This article uses material from the Wikipedia მარგალური (Margaluri) article Android, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.