Android
Android بولسا بىر خىل Linux نى ئاساس قىلغان ئەسلى كودى ئوچۇق بولغان مەشغۇلات سىستېمىسى، ئاساسلىقى كۆچمە ئۈسكۈنىلەرگە ئىلىتىلىدۇ.
خەنزۇچىدا 安卓 دەپمۇ ئاتايدۇ. Android نى ئەڭ دەسلەپتە Andy Rubin دېگەن كىشى تۈزگەن بولۇپ، 2005-يىلى Google شىركىتى سېتىۋېلىپ مەبلەغ سېلىپ تەرەققىي قىلدۇرغان. Android نىڭ ئاساسلىق رىقابەتچىسى ئالما شىركىتىنىڭ iOS سىستېمىسى ۋە RIM شىركىتىنىڭ Blackberry OS مەشغۇلات سىستېمىسىدۇر. 2011-يىلى بىرىنچى پەسىلدە Android نىڭ پۈتۈن دۇنيادىكى بازار ئېگىلەش نىسبىتى تۇنجى قېتىم Nokia نىڭ Symbian مەشغۇلات سىستېمىسىدىن ئېشىپ، دۇنيادا بىرىنچىلىكنى ئېگەللىدى. 2012-يىلى 7-ئايدىكى سىتاتىستىكىغا قارىغاندا، Android پۈتۈن دۇنيا يانفون مەشغۇلات سىستېمىسى بازىرىنىڭ %59 نى ئېگەللىگەن، جۇڭگودا ھەتتا %76.7 گە يەتكەن.
Android سىستېمىسى يانفونلارغا ئىشلىتىلىشتىن باشقا يەنە تاختا كومپيۇتېر، ئاپتومبىللارنىڭ يول باشلاش سىستېمىسى قاتارلىقلارغىمۇ ئىشلىتىلمەكتە.
نۆۋەتتە HTC, Samsung, Motorola, LG, Sony قاتارلىق مۇتلەق كۆپ قىسىم داڭلىق ماركىلىق يانفونلار Android سىستېمىسىنى ئىشلەتمەكتە. Android نىڭ يۇمشاق دېتاللىرى ئىنتايىن كۆپ بولۇپ، نەچچە يۈزمىڭدىن ئاشىدۇ، پۈتۈنلەي ھەقسىز. نۆۋەتتە Android نىڭ ئەڭ يېڭى نەشىرى Android 4.0 دۇر. Android نىڭ مۇنداق تېز تەرەققىي قىلىشى ئۇزۇن زامانلاردىن بىرى دۇنيادا بىرىنچىلىكنى ئېگەللەپ كەلگەن Nokia نىڭ ئاستا- ئاستا سەپتىن چۈشۈپ قېلىشىغا سەۋەب بولماقتا.
نۆۋەتتە Nokia ئۆزىنىڭ مەشغۇلات سىستېمىسى Lumia بىلەن مىكروسوفت شىركىتىنىڭ Windows Phone مەشغۇلات سىستېمىسىنى ئىشلەتمەكتە.
This article uses material from the Wikipedia ئۇيغۇر تىلى article Android, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). خاتىرىلەنگەندىن باشقا تېكست مەزمۇنى CC BY-SA 4.0 ماددىسىغا ئاساسەن تەمىنلىنىدۇ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ئۇيغۇر تىلى (DUHOCTRUNGQUOC.VN) is an independent company and has no affiliation with Wiki Foundation.