Fiangonan'ny Ampakarina

Ny Pastora Nicolas Rajemison, Iraka iray teraka avy tamin’ny famangian’Andriamanitra no nanorina ny Fiangonan’ny Ampakarina tamin'ny taona 2013.

Ny fanombohany

Ny 15 ny volana Mey taona 2005 no nidiran'ny Pastora Nicolas Rajemison tao anatin’ny sehatry ny fanompoana matihanina, nianatra sy nandalina ary nohosorana ho mpitandrina ny taona 2008, dia nanomboka sy nitohy tamin’ny asa fanompoana izy nandritra ny taona maro ary ny faha 13 Novambra 2013 no namangian’Andriamanitra azy sy nanomezan’Andriamanitra azy ny tari-dalana mazava ny amin'ny iraka nanirahana azy ety an-tany.

Ny iraka nampanaovina azy

Teny nomen’ny Tompo azy ny teny ao amin’ny Apokalypsy 21:9 manao hoe: "Avia etỳ, dia hasehoko anao ny ampakarina, vadin'ny Zanak'ondry", satria ny hanomana ny olona ho amin’ny fiavian’i Jesosy no tena antso niantsoan’ny Tompo azy sy iraka nanirahan’Andriamanitra azy, ka nahatonga ny anaran’ny iraka hoe "Ny Ampakarina". Isan’ny teny nomena ho an’ny iraka “Ny Ampakarina” ilay voarakitra sy voalaza ao amin’ny Bokin'i Isaia 49:1-26 izay fototra ijoroan’ny Iraka. Io no mirakitra ny "mission" nomen’Andrimanitra ny FnA.

Teny filamatra

"Fiangonan’ny Ampakarina - Manomana anao ho ampakarina": io no teny filamatra entin’ny FnA manatanteraka ny iraka nampanaovin’i Jesosy azy. Manohy ny asa izay efa natomboky ny Tompo sy ireo mpianany, izay no tena imasoany.

Ny finoan'ny Fiangonan'ny Ampakarina

Ny Fiangonan’ny Ampakarina dia :

• mino ny Trinite “Andriamanitra Telo Izay Iray”;
• mino ny batisan'ny rano asitrika;
• mino ny Fiasan’ny Fanahy Masina;
• mino ny fahamarinan’ny Baiboly;
• mino ny famonjena tokana raisina amin'ny fanekena an’i Jesosy Kristy ho Tompo sy mpamonjy.
• mino ny fitsarana mandrakizay sy ny fisian’ny Lanitra sy ny helo , ny fiainana mandrakizay ho an’ireo voavonjy ary ny fahaverezana mandrakizay ho an’ireo tsy mino.

• Evanjelisma
• Pentekotisma
• Protestantisma
• Evanjelisma eto Madagasikara
• Kristianisma eto Madagasikara
• Protestantisma eto Madagasikara