Ny fanehoan-javatra mitohy dia fanehoan-javatra manondro ny fivoaran' ny asa na ny toetra fa tsy ny fahavitany ka isan' ny fanehoan-javatra tsy efa izy.
Ny fanehoan-javatra tsy mitohy kosa dia tsy manondro izany ka afaka maneho ny fahavitany sady isan' ny fanehoan-javatra efa.
Amin' ny fiteny anglisy, ny fehezanteny hoe He is washing ("Manasa izy") amin' ny filazam-potona present progressive dia ahitana matoanteny amin' ny fanehoan-javatra mitohy izay atao hoe koa fanehoan-javatra mivoatra.
Toraka izany koa ny matoanteny ao amin' ny fehezanteny frantsay hoe Nous étions en train de manger ("Misakafo isika/izahay (izao)"). Ny matoanteny amin' ny filazam-potoana lasa tsy efa (frantsay: imparfait de l'indicatif) ao amin' ny fehezanteny frantsay hoe Nous mangions ("Nisakafo isika/izahay (tamin'izay)") na Nous étions en train de manger ("Teo am-pisakafoanana isika/izahay") dia amin' ny fanehoan-javatra mitohy na mivoatra koa.
Amin' ny fiteny anglisy, ny fehezanteny hoe He washes ("Manasa izy") dia ahitana matoanteny amin' ny fanehoan-javatra tsy mitohy izay atao hoe koa fanehoan-javatra tsy mivoatra.
Ny matoan-teny amin' ny filazam-potoana lasa tsotra ao amin' ny fiteny anglisy (simple past na preterit) hoe We washed ("Nanasa isika/izahay") dia manondro ny fanehoan-javatra tsy mitohy na tsy mivoatra.
Ny matoan-teny amin' ny filazam-potoana lasa tsotra ao amin' ny teny frantsay (passé simple) hoe Nous mangeâmes ("Nisakafo isika/izahay") dia manondro koa ny fanehoan-javatra tsy mitohy na tsy mivoatra.
This article uses material from the Wikipedia Malagasy article Fanehoan-javatra mitohy sy tsy mitohy, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.