Ny Distrikan' i Sakaraha dia distrika ao amin' ny Faritra Atsimo-Andrefana, ao amin' ny tapany atsimo-andrefan' i Madagasikara.
Sakaraha | ||
Velarantany | NC | |
Isam-ponina | 150 366 mponina | |
Tanànan-dehibe | NC | |
Ben'ny tanàna | NC | |
Firenena | Madagasikara | |
Faritany | Toliara | |
Faritra | Atsimo-Andrefana |
I Sakaraha no renivohiny. Misy kaominina miisa 12 ny ao amin' io distrika io.
Ny mponina ao amin' ny distrikan' i Sakaraha dia nahitana fitomboana mafy hatramin' ny niandohan' ny fitrandrahana ireo vatosoa izay misy ao. Saika nandray tsara ny foko rehetra eto Madagasikara ity tanàna ity hatramin' ny nahitana ny safira. Ny isa-mponiny dia 74 000 tamin' ny taona 2001.
Mandalo ao amin' ny distrikan' i Sakaraha ny lalam-pirenena faha-7 (Toliara-Antananarivo). Ao avarany ny distrikan' Ankazoabo, ao andrefana ny distrikan' i Toliara II, ao avaratra-andrefana ny distrikan' i Morombe, ao atsimo ny distrikan' i Betioky, ao atsimo-atsinana ny distrikan' i Benenitra ary ao atsinanana ny distrikan' Ihosy izay ao amin' ny faritra Ihorombe. Ny distrikan' i Beroroha (avaratr' Ankazoabo) sy ny distrikan' Ampanihy (atsimon' i Betioky) ihany no tsy mifanila aminy amin' ireo distrikan' ny Faritra Atsimo Andrefana.
Mamokatra mangahazo sy vomanga ary vary ny distrikan' i Sakaraha. Mamatsy ny tanànan' i Toliara izy io. Misy ihany koa ao amin' ity distrika ity, saika amin' ny kaominina rehetra misy azy, ny safira. Ny Srilankey sy Tailandey indrindra no mividy sy manondrana safira mba hivarotra izany any Azia.
Ao amin' ny Faritra Atsimo-Andrefana, ao amin' ny Faritanin' i Toliara voalohany ny Distrikan' i Sakaraha. Misy kaominina miisa 12 ny ao ka ireto avy izy ireo: Sakaraha, Ambinany, Amboronabo, Andamasiny Vineta, Andranolava, Bereketa, Mahaboboka, Miary Lamatihy, Miary Taheza, Mihavatsy, Mitsinjo ary Mikoboka.
Ireo distrika ao amin' ny Faritra Atsimo Andrefana:
This article uses material from the Wikipedia Malagasy article Distrikan' i Sakaraha, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.