Berlin: La capital de Deutxland
Berlin es la capital de Deutxland.
Berlin ia ave sirca 3 415 700 abitores en 2004. La area de Berlin es 891,85 km².
| Berlin | |||
|---|---|---|---|
| |||
| Popla | 3,421,829 ab. (2013) | ||
 | |||
Istoria
En 1933, cuando la nazis ia oteni la potia, la abitores iudi ia diminui de 160 000 a 80 000 como resulta de migras entre 1933 e 1939. A pos la Kristallnacht en 1938, multe iudis ia es prisonida en la campa de consentra de Sachsenhausen. En la Gera Mundal Du, multe partes de la site ia es destruida en la atacas de aira de 143-45 e en la batalia de Berlin. Sirca 125 000 siviles ia mori. A pos la fini de la gera en Europa en maio 1945, Berlin ia reseta multe refujadas de la provinses este. La potias vinsor ia divide la site en cuatro partes, analoja a la zonas de ocupa en cual Deutxland ia es divideda. La areas de la aliadas ueste (SUA, Rena Unida e Frans) ia crea Berlin ueste, en cuando la area soviet ia deveni Berlin este.
Divides manejal
Berlin es divideda en 12 distritos (Bezirke). Cada distrito es formida par un numero de visinerias (Ortsteile) cual ave radises istorial en munisipas plu antica cual data de la formi de Berlin Grande en 1 otobre 1920. Esta sudistritos ia deveni urbanida e ia es ajuntada a la site plu tarda. Multe abitores identifia con sua distritos, nomida conversal Kiez. Oji, Berlin es formida par 96 visinerias.
Linguas
Deutx es la lingua ofisial es la plu parlada en Berlin. Lo es un lingua germanica ueste cual deriva la plu parte de sua vocabulo de la ramo germanica de la linguas indoeuropean. Deutx es un de la 24 linguas de la Uni European, e un de la linguas de labora de la Comision European.
La linguas stranjer plu parlada es turces, engles, rusce, arabi, polsce, curdi, serbsce, italian, viet e franses. Turces, arabi, curdi e serbsce es plu parlada en la ueste en cuando engles, viet, rusce e polsce es plu parlada en la este.
Relijio
Plu ca 60% de la popla de Berlin no ave un parteni relijial. La relijio plu grande en 2010 ia es la Eglesa Evanjelial de Berlin-Brandenburg-Silesian Upper Lusatia (EKBO) - un eglesa unida. EKBO es membro de la Eglesa Evanjelial en Deutxland (EKD) e de la Union Evangelischer Kirchen (UEK), e es segueda par la 18,7% de la abitores de Berlin. La Eglesa Catolica ave 9,1% de abitores enscriveda. 2,7% identifia como cristianes de otra eglesas.
En 2009, 7,2% de la abitores ia es muslim (249 000 persones). En maio 2011 los ia es 257 700 (7,8%). En 2016 los ia deveni la 9,5% con 350 000 abitores. Esta sinifia ce la abitores muslim ia dupli entre 1992 e 2011.
0,9% ia ave otra relijios. De la 30 000 - 45 000 iudis, 12 000 es membros de alga organiza relijial.
 | Sites capital de Europa |
|---|---|
| Amsterdam | Andorra la Vella | Atina | Beograd | Berlin | Bern | Bratislava | Bruxelles | Bucuresti | Budapest | Chisinau | Ciiv | Dublin | Helsinki | Ierevan | Kobenhavn | Lisboa | Ljubljana | London | Luxemburg | Madrid | Minsk | Monaco | Moscva | Nicosia | Oslo | Paris | Podgorica | Praha | Reykjavik | Riga | Roma | Sarajevo | San Marino | Site Vatican | Skopje | Sofia | Stockholm | Tallinn | Tbilisi | Tirana | Vaduz | Valletta | Vilnius | Warszawa | Wien | Zagreb | |
This article uses material from the Wikipedia Lingua franca nova article Berlin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.