Txad es un pais en Africa.
Republica de Txad République du Tchad جمهورية تشاد Ǧumhūriyyat Tšād | |||
Informa jeneral | |||
Capital: | N'Djamena | ||
Lingua ofisial: | Franses e arabi | ||
Dirije | |||
Governa: | Republica presidental | ||
- Xef de stato: | Mahamat Idriss Déby | ||
- Xef de governa: | Saleh Kebzabo | ||
Otras | |||
Area: | 1 284 000 km² | ||
Popla: | 10 780 600 | ||
Densia: | 8,7 | ||
PIB: | US$16.119 milion | ||
Mone: | |||
Zona de ora: | CET (UTC+1) | ||
Numero de telefon: | +235 | ||
Interede: | .td | ||
La area es sirca 1 284 000 cilometres cuadrida.
La cuantia de popla, en la anio 2009, ia es sirca 10 780 600 persones.
La site capital es N'Djamena.
La linguas major es arabi, franses, e sara.
Txad es un republica presidental. La presidente es la xef de stato e la xef de governa e es elejeda a cada anio sinco. La constitui ia es aprobada en 1996 e ia es alterada en 2005 per permete la reeleje nondefinida de la presidente.
La parlamento ave sola un salon con 155 membros elejeda per la popla a cada anio cuatro. La potia de judi es autonom, ma la presidente eleje la xef de la corte suprema, cual ave 16 membros. La otra 15 es elejeda per la presidente e la asembla nasional, per autoria de vive.
Asta 1992, sola la partito de la governa ia es legal. En esta anio la partitos oposante ia es legalida. Oji Txad ave 78 partitos legal. Lo es un de la paises la plu povre e frodosa en la mundo.
Con 1 284 000 km², Txad ave cuasi la area duple de Frans e plu ca la area truple de California. La plu de persones vive en la sude. La capital, N'Djamena, es locada a 1060 km de Douala, en Camerun, la porto la plu prosima en la Atlantica. Per sua distantia grande de la Atlantica e sua deserto enorme, Txad es nomida a veses "la cor seca de Africa".
Txad ave tre rejiones jeografial: la deserto Sahara en la norde, la stepe en la sentro, e la savana en la sude. La monte la plu alta es Emi Kousi, con 3100m, en la norde de la pais.
La lago Txad, con 17 806 kmenorme , es la lago du de la plu grandes de Africa.
This article uses material from the Wikipedia Lingua franca nova article Txad, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.