Berlien is de heufdstad van Duutslaand, en ene van de zestien deelstoaten in et laand.
Der wont 3,4 miljoen leu en is doarmet Duutslaands grootste stad. De stad zelf is de tweede stad van Europa noa Londen. Met de veursteaden meterekkend is et et achtste versteadelekt gebeed van de Europese Unie. Zee ligt in et noordoosten van Duutslaand, en is et middelpunt van de Berlien/Brandenburg regio, met meer as 4,4 miljoen leu oet ovver 190 laanden.
Berlien hef n emoategd klimaat deur eure ligging. Een daarde van de stad besteet oet bossen, parken, revieren en meern.
As eerste eneumd in de 13e eeuw, Berlien was op de riege de heufdstad van et Prusiese Könninkriek (1701–1918), et Duutse Riek (1871–1918), de Weimar Republiek (1919–1933) en et Daarde Riek (1933–1945). Noa den tweeden wealdoorlog was de stad in tweejen verdeald. Oostberlien wodden de heufdstad van Oostduutslaand, Westberlien wodden ne Westduutse eksklave, umgevven deur de Berliense mure (1961–1989). Noa de hereaneging van de beide Duutslaanden in 1990 wodde de stad weer de heufdstad van Duutslaand.
Commons: Berlien - plaatjes, filmkes en/of gelüüdsbestanden. |
This article uses material from the Wikipedia Nedersaksisch article Berlien, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.