ბერლინი (გერმ.
Berlin) — გერმანიაშ ნანანოღა დო ფართობით დო მახორობათ არძაშე უდიდაში გერმანული ნოღა. ბერლინს უღჷ ნოღა-სახენწჷფოშ დო ავტონომიური ნებეფი, რე ფედერაციული დიხა.
რინაშ ისტორიას ბერლინი ბრელ გერმანული სახენწჷფოშ ნანანოღა რდჷ: ბრანდენბურგიშ სამარკგრაფო/საპატნოშ, პრუსიაშ ომაფეშ, გერმანიაშ იმპერიაშ დო გერმანიაშ დემოკრატიულ რესპუბლიკაშ. 1990 წანაშ 3 გჷმათუთაშე ბერლინი გერმანიაშ ფედერაციული რესპუბლიკაშ ნანანოღა რე.
ბერლინი რე მაგისტრალური ნოსქვი. ბერლინი ართ-ართ თარ ეკონომიკური დო კულტურული ცენტრი რე. ბერლინს ბრელი რე უნივერსიტეტეფი, თეატრეფი, მუზეუმეფი დო კულტურული ძეგლეფი.
ბერლინს ომძღჷ ბრანდებურგიშ ფედერაციული დიხა დო იდვალუაფუ გერმანიაშ ელახის, პოლონეთიშ სამძღოშე 70 კილომეტრიშ სიშორას, ბარნიმიშ დო ტერტოშ გაბარეფს. ნოღაშ ისტორიული ცენტრი იდვალუაფუდუ წყარმალუ შპრეეშ ოპიჯეეფს, ნამუსჷთ ნოღაშ ბჟადაალშე (შპანდაუ) აკათუ წყარმაალ ჰაველი. ბერლინიშ ბჟადალუ აკანეფი რაინიკენდორფი დო პანკო იდვალუაფუნა ბარნიმიშ, არლოტენბურგ-ვილმერსდორფი, შტეგლიც-ცელენდორფი, ტემპელჰოფ-შიონებერგი და ნოიკიოლნი - ტელტოშ გაბარეფს.
ბერლინიშ არძაშე უმაღალაშ პუნქტეფი რენა: ტოიფელსბერგი (115 მ. ზუღაშ დონეშე) შარლოტენბურგ-ვილმერსდორფის დო მიუგელბერგე (115 მ.) ტრეპტო-კიოპენიკის.
1998 წანაშ 10 მანგიშ კანონით ბერლინიშ 23 რაიონქ 12-შა იუ დოჸონაფილქ:
ბერლინი ზომიერ კლიმატურ ორტყაფუს იდვალუაფუ. ოშქაშე წანომოწანური ტემპერატურა რე - +9,4 °C, ოშქარი წანმოწანური ნოლექი - 578 მილიმეტრი. არძაშე უტიბაში თუთეფი რე მანგი, კვირკვე დო მარაშინათუთა - +17,4° - +18,7° ოშქაშე ტემპერატურათ. არძაშე რგილი თუთეფი რე ქირსეთუთა, ღურთუთა დო ფურთუთა - -0,2° - +1,4° ოშქაშე ტემპერატურათ.
ბერლინს ოხორანს 4 416 123 ადამიერი (2011 წანაშ 5 მარაშინათუთაშ მუნაჩემეფით), 891,85 კმ²-ს. ბერლინიშ მახორობაშ 60% ათეისტი რე, 23% - პროტესტანტი, 9% - კათოლიკე დო 6% - მუსულმანი.
This article uses material from the Wikipedia მარგალური (Margaluri) article ბერლინი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.