შეჰერიზადა
შეჰერიზადა (შეჰერეზადა, შაჰირაზადა, შაჰრაზადა) — ლაგენდარული თარი გერგეზი „თხობელუეფი მაფა შაჰრიარიშე დო თიში ჯიმაშ გეშა“, საინტერესე სპარსული არიკეფიშ ციკლიშე „ვითოშ ართი სერი“, გერგეზი ნამუთ შხვა თხობელუეფს შქას მიმარსხუაფალიშ როლს არსულენს.
შეჰერიზადა — ომაფე ვეზირიშ უნჩაში ცირასქუა, ოშა-გოშა სისქვამეშ დო დიდი სიჭკვერაშ მოღვენი ძღაბი, ნამუქჷთ კათა გადუდიშულჷ მაფა შაჰრიარიშ ართიანიშ გემაჸვენჯი ოსურიშ მოჸონაფეფიშ მარცხეფშე (მაფა შაჰრიარქ გჷნიღჷ ჩილიშ ღალატი, მაფაქ ოსურეფიშ უდუნდობელობაშე დერწუმჷ, მარა თინეფიშ უმუშო ხოლო ვეგშჷმურდჷ რინა, შაჰრიარი ირ სერს ირ ძღაბის ოსურო ეკმიხუნუანდჷ დო ოჭმარეშო თინეფს ჸვილუნდჷ).
მუჭოთ გეჸვენჯი მაფაშ ოკიბირე-ჩილქ, შეჰერიზადაქ ნთელი მუშ ჭკვერზიტყვიერაფა გჷმირინუ, მაფას არიკეფს ურაგადუდჷ ბჟაშ ეშულაშა (ნამუთ უგუთანჯუო თხობელუაშ საინტერესო ბორჯის უხუჯანდჷ). ინოკიკინუაქ მაფა შაჰრიარს ირიათო გჷნუღჷ ზისხირდობუნაშ კორინი, დო თინა შეჰერიზადას მაჟირა სერშო არზენდჷ ხანს, თიშ გეშა, ნამჷ-და მაფას არიკიშ თებაშ გაგება ოკოდჷ, მარა გეჸვენჯი სერს ირფელი იმაჟირებუდჷ. თეშნერო ოღრაში ცირა ბორჯის ობაღინეთ ზჷინდუნდჷ, თეიშა სოიშახ მაფა შაჰრიარშა ჭკუაქ ვამორთჷნ დო ოსურეფიშ მასობური მოჯილიგუაშე ივარუნჷ.
თაშნეშე ქოძირით
- შეჰერიზადა — ბალეტი
- შეჰერიზადა (643) — ასტეროიდი, ნამუსჷთ 1907 წანაშ მიოგორესჷნ.
რესურსეფი ინტერნეტის
This article uses material from the Wikipedia მარგალური (Margaluri) article შეჰერიზადა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.