ពោត

ពោត គឺជាដំណាំពួកមួយរាប់បញ្ចូលក្នុងធញ្ញជាតិ ជាដំណាំមានប្រយោជន៍ដ៏សំខាន់សំរាប់មនុស្សនិងសត្វ ។ ពោត​បាន​ក្លាយទៅ​ជា​អាហារ​ចម្បង​នៅ​ក្នុង​ផ្នែក​ជា​ច្រើន​នៃ​ដំណាំអាហាររបស់ពិភពលោក ដោយ​ការ​ផលិត​ពោត​សរុប​លើស​ពី​ស្រូវ​សាលី ឬ​អង្ករ។ បន្ថែមពីលើការទទួលទានដោយផ្ទាល់ដោយមនុស្ស ពោតក៏ត្រូវបានប្រើប្រាស់សម្រាប់ជាចំណីសត្វ និងផលិតផលពោតផ្សេងទៀត ដូចជាម្សៅពោត បង្អែម និងទឹកស៊ីរ៉ូពោតផងដែរ។ ពោតធំៗចំនួនប្រាំគឺ ពោតស, ពោតក្រហម, ពោតល័ខ, ពោតខ្សាយ, ពោតដំណើប ។ ពាក្យ ពោត ត្រូវបានគេពេញនិយមហៅនៅកម្ពុជាពីព្រោះវាសំដៅទៅលើគ្រាប់ធញ្ញជាតិ។ នៅក្នុងប្រទេសកម្ពុជាមានតំំំបន់មួយចំនួនត្រូវបានដាំដុះដំណាំំំំពោតដូចជា នៅខេត្តកំពង់ចាម ខេត្តក្រចេះជាដើម ។ ដំណាំពោតជាដំណាំបន្ទាប់បន្សំដ៏ចម្បងមួយក្នុងការបរិភោគ លក់ទៅឲ្យទីផ្សារ និង ក្រុមហ៊ុនឧស្សាហកម្មចំនួន ដើម្បីទ្រទ្រង់សេដ្ឋកិច្ចជាតិហើយកាន់តែរីកចម្រើននៅក្នុងស្រុក។