Alfred Nobel: Sænskur efnafræðingur, verkfræðingur og uppfinningamaður (1833-1896)

október">21. október 1833 - 10. desember 1896) var sænskur efnafræðingur, verkfræðingur og uppfinningamaður. Hann uppgötvaði dínamít og var eigandi Bofors vopnaverksmiðjanna. Auðlegð hans var notuð til að stofna Nóbelsverðlaunin.

Alfred Nobel
Fæddur	21. október 1833(1833-10-21) Stokkhólmur, Svíþjóð
Dáinn	10. desember 1896 (63 ára) Sanremo, Ítalía
Störf	Efnafræðingur, verkfræðingur, frumkvöðull og uppfinningamaður.

Hann lofaði frið en uppfinningar hans voru notaðar í stríðsskyni. Þessi tvíhyggja er grundvöllur skrifa hans um tilgang Nóbelsverðlaunanna „til sem mestum ávinningi fyrir mannkynið“ í erfðaskrá sinni. Alfred Nobel hafði mikinn áhuga á vísindum og listum og meðal allra vísindaverka var hann einnig höfundur nokkurra skáldskaparverka. Hann samdi ljóð bæði á sænsku og ensku. Hann átti líka bókasafn með tæplega 2.600 bindum sem dreift var á um 1.200 titla, sem flestir voru fagurbókmenntir.

Alfred Nobel stofnaði um 30 fyrirtæki um allan heim. Stundum átti Nobel einungis fjárhagslega hagsmuni í fyrirtæki en tók ekki virkan þátt í stjórnun.

Frá árinu 1901 hefur Nóbelssjóðurinn (Nobelstiftelsen) veitt Nóbelsverðlaunin árlega á dánarafmæli Nobels, 10. desember. Í lok 20. aldar öðlaðist þessi árlegi atburður frekari stöðu þar sem 10. desember var merktur sem Nóbelsdagur í sænskum almanökum og varð almennur fánadagur í Svíþjóð.

Frumefnið nóbelín (No) með atómnúmer 102 er nefnt eftir Alfred Nobel.

• Alfred Nobel - friðarvinurinn sem framleiddi drápstækin; 1. grein í Lesbók Morgunblaðsins 1934
• Alfred Nobel - friðarvinurinn sem framleiddi drápstækin; 2. grein í Lesbók Morgunblaðsins 1934
• Hefði Nobel fengið Nóbelsverðlaunin?; grein í Lesbók Morgunblaðsins 1969
• Nóbelsverðlaunin; grein í Lesbók Morgunblaðsins 1955