Alfred Nobel: Cimiciste svensce

El ia inventa dinamite en 1867. En sua atesta final, el ia demanda ce on soma tota la ricia cual el ia reseta de esta inventa e dedica lo a un premio nova cual va porta sua nom.

Alfred Nobel

Informa personal

Pais: Sveria

Otra informas

Profesa: Injenior e cimiste

Alfred Nobel ia nase a 24 otobre 1833 en la site Stockholm, la capital de Sveria. Sua padre Emanuel Nobel ia labora en la construi e repara de bombas marinal. Alfred e sua tre frates ia aprende multe cuando sua padre ia trae la enseniores la plu bon en cimica, fisica, e linguistica e leteratur. A des-sinco anios, el ia sabe parla svensce, rusce, franses, engles e deutx!

Sua padre ia fundi un fabriceria prosima a Stockholm per produi nitrogliserin, un materia multe esplodente. Ma la fabriceria ia esplode en 1864, matante sua frateta Emil e cuatro otra persones.

Alfred ia inventa dinamite en 1866, ganiante un patente per lo. Esta ia es multe comprada per usas construal, escaval e militar. E tal la usa de dinamite ia sperde tra la mundo. Alfred ia construi deses de fabricerias en dudes paises, deveninte estrema rica.

Final, Alfred ia es triste car sua inventa pote cisa trae miseria e moria a persones. El ia deside dona premios per felisi la poplas.

A 10 desembre 1896, Nobel ia mori isolida en San Remo, Italia. El ia lasa un ricia vasta de 30 milion cronas.

En sua atesta final, el ia dedica la plu de sua ricia a projetas vantajinte, de cual on va divide la profitas entre 5 premios. La ganiores reseta la premio pos aida multe la mundo en medica o fisiolojia, fisica, cimica, leteratur e pas de mundo.