Wolodymyr Zelenskyj: 6. prezident Ukrainy
Wolodymyr Oleksandrowyč Zelenskyj (ukrainsce Володимир Олександрович Зеленський; * 25.
januara">25. januara 1978 w Krywyj Rih, Ukrainska SSR) je něhdyši ukrainski dźiwadźelnik a režiser, kiž je wot 20. meje 2019 šesty prezident Ukrainy.
.jpg)
Po studiju prawnistwa dźěłaše jako dźiwadźelnik, synchronowy rěčnik, telewizijny moderator, kabaretist a filmowy producent a załoži w lěće 2003 filmowe studijo „Студія Квартал-95“ (Studija Kwartal-95). Znaty bu wosebje přez hłownu rólu w satiriskej telewizijnej seriji Sluha narodu („Słužownik naroda“), najwoblubowanišej seriji w Ukrainje. Dnja 31. měrca 2019 zdoby prěnje koło prezidentowych wólbow w Ukrainje a 21. apryla z 73 % hłosow tež rozsudne wólby přećiwo amtěrowacemu prezidentej Petrej Porošenku.
Dnja 24. februara 2022 zahaji Ruska wojersku inwaziju do teritorija Ukrainy, kotruž nimale wšě staty na swěće raznje zasudźeja. Zelenskyj wozjewi dla ruskeje inwazije wójnski staw kaž tež wójnske prawo w kraju.
Zelenskyj pochadźa z ruskorěčneje židowskeje swójby a wotrosće w industrijnym měsće Krywyj Rih.
Wotkaz
Commons: Wolodymyr Zelenskyj – Zběrka wobrazow, widejow a awdiodatajow
Leonid Krawčuk (1991–94) | Leonid Kučma (1994–2005) | Wiktor Jušćenko (2005–10) | Wiktor Janukowyč (2010–14) |
Oleksander Turčynow (kommisarisce) | Petro Porošenko (2014–19) | Wolodymyr Zelenskyj (2019– )
This article uses material from the Wikipedia Hornjoserbsce article Wolodymyr Zelenskyj, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.