Վոլոտիմիր Զելենսքի
Վոլոտիմիր Օլեքսանտրովիչ Զելենսքի (ուքրաներէն՝ Володимир Олександрович Зеленський, լատինատառ՝ Volodymyr Oleksandrovych Zelenskyy, ծն.՝ 25 Յունուար 1978-ին) ծագումով հրեայ, ուքրանացի քաղաքագէտ ու նախկին կատակերգակ,
| Վոլոտիմիր Զելեսքի Володимир Зеленський | |
|---|---|
_(cropped).jpg) | |
| Նաեւ յայտնի է իբրեւ | Зелёный |
| Ծնած է | 25 Յունուար 1978 |
| Ծննդավայր | Քրիւի Ռիի, Ուքրանիոյ Ինքնավար Մարզ, Սովետական Միութիւն (այժմ՝ Ուքրանիա) |
| Քաղաքացիութիւն | Սովետ (1978-1991) Ուքրանացի (1991-) |
| Ազգութիւն | ուքրանացի, հրեայ |
| Մայրենի լեզու | Ուքրաներէն, ռուսերէն |
| Կրօնք | Հրեայ |
| Ուսումնավայր | Քիեւի Ազգային Տնտեսագիտական Համալսարան |
| Ազդուած է | Ալեքսանդր Մասլյակով? |
| Երկեր/Գլխաւոր գործ | Ժողովրդի ծառա? |
| Տեսակ | քաղաքական երգիծանք? |
| Մասնագիտութիւն | Իրաւաբանութիւն |
| Գործունէութիւն | Կատակերգակ, քաղաքագէտ |
| Աշխատավայր | Ստուդիա Կվարտալ-95? Ինտեր? 1+1? Ուկրաինայի նախագահի գրասենյակ? |
| Վարած պաշտօններ | Ուկրաինայի նախագահ?[1] եւ Supreme Commander of the Armed Forces of Ukraine? |
| Կուսակցութիւն | Ժողովուրդի Ծառան |
| Ամուսին | Օլենա Քիաշքօ |
| Ծնողներ | Օլեքսանտր Զելենսքի Ռիմմա Զելենսքա |
| Երեխաներ | 2 |
| Կայքէջ | president.gov.ua |
Ստորագրութիւն | |
Եղած է Ուքրանիոյ Հանրապետութեան կառավարութեան անդամ եւ «Ինտեր» հեռատեսիլի կայանի գլխաւոր հաստատող(2010-2012)։
Ուքրանիայի նախագահական ընտրություններու երկու փուլերի յաղթող (Ազգային էքզիթ-փոլի տուեալներու համաձայն՝ երկրորդ փուլին ստացած է քուէներու 73 %-ը):2019-էն ի վեր, ան կը վարէ Ուքրանիոյ նախագահի պաշտօնը:
նախագահ
Իբրեւ նախագահ, ան առաջին դէմքն է կառավարութեան մէջ եւ երկրի ուքրանախօս ու ռուսախօս ժողովուրդներու միասնականութեան ռահվիրան:Զելենսքի իբրեւ հաղորդակցութեան միջոց կ'օգտագործէ ընկերային ցանցերը՝ յատկապէս Ինսթակրամը: Իր նախագահի պաշտօնին անցնելէն կարճ ժամանակ ետք, քաղաքական պոռթկումէ յառաջացած օրէնսդրական ընտրութիւններուն իր կուսակցութիւնը յաղթանակ կ'արձանագրէ: Իր օրերուն, խորհրդարանի անդամներուն անձեռնմխելիութիւնը կը վերցուի, կը վերահսկուի Պսակաձեւ Ժահրի դէմ պայքարն ու անոր յաջորդող տնտեսական անկումը, ինչպէս նաեւ փտտածութեան դէմ պայքարը յառաջխաղացք կ'արձանագրէ:
Նախագահական ընտրապայքարին ժամանակ, Զելենսքի կը խոստանայ վերջ դնել Ուքրանիոյ եւ Ռուսիոյ միջեւ տեղի ունեցող հակամարտութիւններուն ու կը փորձէ համաձայնութիւն գոյացնել Ռուսիոյ նախագահ Վլատիմիր Փութինի հետ: Սակայն կը պատահի հակառակը՝ 2021-ին, Ռուսիոյ հետ լարուածութիւնը հետզհետէ կը սաստկանայ, ինչ որ կը մղէ 2022-ի Ռուսիոյ Ուքրանիա ներխուժման: Ռուսիոյ պատերազմի պատրաստութեան ժամանակ, Զելենսքի կ'աշխատի ուքրանացի ժողովուրդը հանդարտեցել եւ միջազգային ատեանին վստահեցնել, թէ Ուքրանիա վրէժ պիտի չլուծէ: Նախքան պատերազմի սկիզբը, ան կ'արհամարհէ մօտալուտ պատերազմի մը առկայութիւնը, սակայն միեւնոյն ժամանակ կոչ կ'ուղղէ երկրի ապահովութեան երաշխիքներուն եւ ՕԹԱՆ-ի, որպէսզի պատրաստ ըլլան ռուսական սպառնալիքին դէմ:Ներխուժումը սկսելէն ետք, ան կը հաստատէ զինուորական օրէնք ու կը կատարէ զինուորահաւաք: Պատերազմի ժամանակ իր ցուցաբերած ղեկավարութեան համար, ան կը ստանայ համաշխարհային գովաբանութիւն եւ կը հանդիսանայ Ուքրանիոյ դիմադրութեան տիպարը:
Վաղ կեանք
Վոլոտիմիր Օլեքսանտրովիչ Զելեսնքի ծնած է 25 Յունուար 1978-ին, Քրիւի Ռիհ, Ուքրանիա՝ ծագումով հրեայ ծնողներէ: Հայրը՝ Օլեքսանտր Զելենսքի համալսարանի դասախօս եւ համակարգչային ծրագրող է, իսկ մայրը՝ Ռիմմա Զելենսքա, երկրաչափ: Իր մեծ հայրը՝ Սեմիոն Իւանովիչ Զելենսքի Համաշխարհային Երկրորդ Պատերազմին ծառայած է Կարմիր բանակէն ներս: Սեմիոնի հայրն ու երեք եղբայրները սպաննուած են Հոլոքոսթի ժամանակ:
Նախքան նախակրթարան յաճախելը, Զելենքսի ապրած է Մոնկոլիոյ Էրտենեթ քաղաքը, ուր իր հայրը կ'աշխատէր: Անոր մայրենի լեզուն ռուսերէնն է: Ան ուսանած է իրաւաբանութիւն, սակայն չէ աշխատած այդ մարզին մէջ:
Ծանօթագրութիւն
This article uses material from the Wikipedia Արեւմտահայերէն article Վոլոտիմիր Զելենսքի, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.