Volodymyr Oleksandrovych Zelensky (alizaliwa 25 Januari 1978) ni mwanasiasa, mwandishi na mwigizaji wa filamu, mchekeshaji na rais wa sasa (wa 6) wa Ukraine toka 20 Mei 2019.
| |
Rais | |
Tarehe ya kuzaliwa | 25 Januari 1978 |
Kazi | mwanasiasa, mwandishi na mwigizaji wa filamu, mchekeshaji na rais |
Volodymyr Zelenskyy alizaliwa katika familia ya Kiyahudi katika mji wa Kryvyi Rih, wakati ule sehemu ya Jamhuri ya Kisovyeti ya Kijamaa ya Ukraine. Lugha yake ya kwanza ni Kirusi.
Baba yake Oleksandr Zelenskyy alikuwa profesa wa sayansi za kompyuta, mama yake alikuwa mhandisi. Babu wa Zelensky alikuwa mwanajeshi katika Jeshi Jekundu la Kisovyeti wakazi wa Vita Kuu ya Pili akafikia cheo cha kanali. Ndugu kadhaa wa familia waliuawa na Wajerumani kwa sababu ya kuwa Wayahudi katika Maangamizi Makuu ya Wayahudi. Volodymyr aliendelea kusoma sheria lakini hakufanya kazi ya wakili baada ya kuhitimu.
Tangu alipokuwa mwanafunzi alitumia nafasi nyingi ya kazi ya mwigizaji. Mwaka 1997 aliunda kundi la waigizaji wachechi la Kvartal 95. Kuanzia mwaka 2003 kundi hilo lilitayarisha video kwa ajili ya runinga ya kitaifa ya Ukraine.
Kati ya miaka 2015-2019, Kvartal 95 ilirusha mfululizo wa vipindi vya televisheni vilivyoitwa Servant of the People ambapo Zelensky aliigiza kama Rais wa Ukraine. Chama cha siasa Servant of the People kilianzishwa na wafanyakazi wa Kvartal 95 mnamo Machi 2018.
Tarehe 31 Desemba 2018, Zelensky alitangaza rasmi kuwa atagombea urais. Miezi sita kabla ya kutangaza nia yake hiyo, alikuwa tayari kati ya wagombea waliokuwa wakiongoza kwenye kura za maoni. Zelensky alipata asilimia 30 za kura kwenye awamu ya kwanza ya uchaguzi. Akaingia katika awamu ya pili pamoja na rais mtendaji Petro Poroshenko akashinda kwa kupata asilimia 72.33.
Mwaka | Jina | Nafasi |
---|---|---|
2009 | Love in the Big City | Igor |
2011 | Office Romance. Our Time | Anatoly Efremovich Novoseltsev |
2012 | Love in the Big City 2 | Igor |
2012 | Rzhevsky Versus Napoleon | Napoleon |
2012 | 8 First Dates | Nikita Sokolov |
2014 | Love in Vegas | I gor Zelensky |
2015 | 8 New Dates | Nikita Andreevich Sokolov |
Mwaka | Jina | Nafasi | Notes |
---|---|---|---|
2006 | Dancing with the Stars | mshindani | |
2008–2012 | Svaty | mtayarishaji | |
2015–2019 | Servant of the People | Vasyl Petrovych Holoborodko, mwalimu wa historia/Rais wa Ukraine |
Makala hii kuhusu mwanasiasa fulani bado ni mbegu. Je, unajua kitu kuhusu Volodymyr Zelensky kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. |
This article uses material from the Wikipedia Kiswahili article Volodymyr Zelensky, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maudhui yanapatikana kwa chini ya CC BY-SA 4.0 isipokuwa iwe imebainishwa vinginevyo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kiswahili (DUHOCTRUNGQUOC.VN) is an independent company and has no affiliation with Wiki Foundation.