Mikławš Jakubica (tež Mikławuš abo Miklawusch, latinizowane Nicolaus Jacubiky; † po 1548) bě spisar delnjoserbskeho přełožka Noweho zakonja 1548, kotryž słuša k najstaršim rěčnym pomnikam w serbšćinje a prěnim přełožkam Lutheroweje biblije do někajkeje druheje rěče.
Wo jeho wosobje dawaja lědma informacije. Wón bě najskerje ewangelski farar w knjejstwje Žarow we wuchodnej Delnjej Łužicy, dokelž pisaše we wuchodnym dialekće delnjoserbšćiny.
Móžno je, zo je identiski z Nicolausom Kubike resp. Kubke, kotryž bu 1524 jako ewangelski prědar w Lubońcy (dźensa Lubanice) naspomnjeny. Tež z wěstym prědarjom Jakubom w Lindrozu (dźensa Lipinki Łużyckie), kotryž bu 1540 naspomnjeny a z Nikolausom Jakobi, kiž bě najskerje 1553 do 1556 z fararjom w Lindrozu, móhł identiski być.
This article uses material from the Wikipedia Hornjoserbsce article Mikławš Jakubica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.