Narcissus Pseudonarcissus

É unha planta perenne e bulbosa, co bulbo globular de cor branca no seu interior e negruzca na súa cuberta. As follas radicais e lineais de cor verde escura de 35 cm de lonxitude. A inflorescencia máis alta que as follas, é erecta e ten no seu extremo unha fragante flor de cor amarela dourada, acanalada e composta por seis segmentos agudos, O froito é unha cápsula.

É unha planta nativa de Europa central e setentrional e medra nos bosques húmidos. Na Península Ibérica esténdense polos Pireneos e o Cantábrico.

Contén narcitina ou narcisina que ten propiedades eméticas. Recomendouse para casos de epilepsia e afeccións de tipo espástico. Observouse unha actividade favorable no tratamento de tumores e na leucemia.

As doses excesivas desta planta provoca o vómito e son laxantes.

Narcissus pseudonarcissus foi descrita por Carl von Linné e publicada en Species Plantarum 1: 289. 1753.

Etimoloxía

Narcissus, nome xenérico que fai referencia ao mozo narcisista da mitoloxía grega Νάρκισσος (Narkissos), fillo do deus río Cephissus e da ninfa Leiriope, que se distinguía pola súa beleza.

O nome deriva da palabra grega: ναρκὰο, narkào (= narcótico) e refírese ao cheiro penetrante e embriagante das flores dalgunhas especies (algúns sosteñen que a palabra deriva da palabra persa نرگس e que se pronuncia Nargis, que indica que esta planta é embriagadora).

pseudonarcissus: epíteto latino que significa "falso narciso".

Sinonimia

• Ajax pseudonarcissus (L.) Haw., Monogr. Narciss.: 2 (1831).
• Narcissus albescens Pugsley
• Narcissus alpestris Pugsley
• Narcissus confusus Pugsley
• Narcissus hispanicus Gouan
• Narcissus leonensis Pugsley
• Narcissus macrolobus (Jord.) Pugsley
• Narcissus major Curtis
• Narcissus moschatus L.
• Narcissus nevadensis Pugsley
• Narcissus nobilis (Haw.) Schult. & Schult.f.
• Narcissus pallidiflorus Pugsley
• Narcissus portensis Pugsley
• Narcissus tortuosus Haw.

Subespecies

• Narcissus pseudonarcissus subsp. bicolor (L.) Baker, Handb. Amaryll.: 4 (1888).
• Narcissus pseudonarcissus subsp. calcicarpetanus (Fern.Casas) Fern.Casas, Fontqueria 4: 27 (1983)
• Narcissus pseudonarcissus subsp. leonensis (Pugsley) Fern.Casas & Laínz, Fontqueria 6: 50 (1984).
• Narcissus pseudonarcissus subsp. minor (L.) Baker, Handb. Amaryll.: 4 (1888).
• Narcissus pseudonarcissus subsp. moschatus (L.) Baker, Handb. Amaryll.: 4 (1888).
• Narcissus pseudonarcissus subsp. nobilis (Haw.) A.Fern., Bol. Soc. Brot., II, 25: 182 (1951).
• Narcissus pseudonarcissus subsp. pallidiflorus (Pugsley) A.Fern., Bol. Soc. Brot., II, 25: 182 (1951).
• Narcissus pseudonarcissus subsp. pseudonarcissus.
• Narcissus pseudonarcissus subsp. pugsleyanus Barra & G.López, Anais Jard. Bot. Madrid 39: 298 (1982 publ. 1983).