Die tuinaffodil (Narcissus pseudonarcissus) is 'n bolplant wat oorspronklik uit Europa kom en aan die blomfamilie Amaryllidaceae behoort.
Hulle word ook soms narsings genoem.
Tuinaffodil | |
---|---|
Wetenskaplike klassifikasie | |
Koninkryk: | |
Subkoninkryk: | Tracheobionta |
Divisie: | |
Klas: | Liliopsida |
Subklas: | Liliidae |
Orde: | |
Familie: | |
Tribus: | Narcisseae |
Genus: | Narcissus |
Seksie: | Pseudonarcissi |
Spesie: | N. seudonarcissus |
Binomiale naam | |
Narcissus pseudonarcissus L., (1753) |
Kenmerkend van die affodil, is die duidelike trompetkroon. Die bekendste is die heldergeel, alleenstaande blomme wat tot 8 cm lank kan word. Affodille is bolgewasse met riemvormige blare. Die blomme wissel van taamlik groot tot baie groot. Deur kruisings en verdeling is enkel- en dubbelblomme ontwikkel. Hulle kom alleenstaande of in trosse voor, en die kleure wissel van wit tot geel met geel of oranje trompetkrone met 'n wit of geel kroonblaaragtergrond. Daar bestaan selfs 'n wit variëteit met geel trompet en 'n oranje kartelrandjie (Narsing tazzetta).
Sommige variëteite het byna geen geur nie, terwyl ander soorte weer 'n skerp geur het.
Aanvanklik was die N. tazzeta die belangrikste kwekersblom, maar vandag vervul die gewone geel affodil (N. pseudonarcissus), die rol. In Suid-Afrika word die affodil begin Maart geplant om in die laat winter en vroeë lente te blom. Hulle het behoorlike humusryke en vrugbare grond nodig. Affodille is uitstekende snyblomme.
This article uses material from the Wikipedia Afrikaans article Tuinaffodil, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.