Rantoele Di Soçnaedje Facebook: Rilomêye rantoele di soçnaedje
Facebook (flotchreçmint ratourné e francès på, live des vizaedjes, vout dire trombinoskope eyet foto di troke), sipoté Fesse-bok (bok ås fesses), c' est l' pus rlomêye des rantoeles di soçnaedje.
Gn åreut dsu dipus d' on miyård di djins.
Come societé d' comiece
Elle a divnou ene societé d' comiece e 2013, et prinde ene valeur målåjheymint djustifiåve economicmint.
E 2014, ele ratchete ene soce di programe po les sûtifones; "WhatsApp" (djeu d' mots d' ene dijhêye inglès-cåzante, "What's up?", ki vout dire e walon : Ké novele ?) po on pris astronomike.
Fesse-bok eyet l' walon
Gn a bråmint des waloneus ki s' ont metou so Fesse-bok; on trouve do walon so leu pådje divantrinne, tot seu ou avou do francès.
Gn a eto des pådjes privêyes yet des trokes di soçnaedje rén k' avou des waloneus, metans :
- "Les amis de la langue wallonne" ([WA] Les soçons då lingaedje walon), manaedjî pa Jean-Claude Somja.
- "Li walon po tertos".
- "Payis condruze et walon", manaedjî pa Jean-Pierre Dumont, Jacques Desmet et Richard Joelants.
- "Pour la sauvegarde de la langue wallonne" ([WA] Pol ahouwaedje då lingaedje walon).
Djeu d' mot
Dji n' va nén foirt so l' Fesse-bok; dj' a sogne di tchaire so des fesses di bok estô d' fesses di gades.
Sourdants
This article uses material from the Wikipedia Walon article Facebook (rantoele di soçnaedje), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.