Facebook: Sambua aplikasi wariawösa
Facebook (asese te'adogo'ö FB) ya'ia da'ö sambua aplikasi fariawösa ba internet (li Indonesia media sosial) ni'okhögö Meta Platforms, sambua perusahaan teknologi sebua moroi ba Amerika.
Lafasindro FB me döfi si 2004 ira mahasiswa Harvard College sotöi Mark Zuckerberg, Eduardo Saverin, Andrew McCollum, Dustin Moskovitz, awö Chris Hughes. Lahalö döi facebook moroi ba döi mbuku "face book", sambua buku gangolita döi ndra mahasiswa sasese labe'e khö ndra mahasiswa ba Amerika. Ba mböröta ha iraono zekola ba Harvard zi tola fao ba aplikasi FB andre, ba hiza aefa da'ö itugu labokai ia irege mahasiswa moroi ba universitas bö'ö ba Amerika/Kanada tola göi fao. I'otarai döfi 2006 latehegö fao dozi niha si no töra moroi ba zi 13 fakhe ndröfinia. Me Desember 2022 ituriagö FB wa no ikhamö 2,96 miliar niha sangoguna'ö FB andre ero waŵa, ba tobali bolokha gu'ö digital nomoro tölu fondrege oya la'ondrasi niha ba zi sagörö ulidanö. Ba döfi 2020 aplikasi FB no tobali aplikasi fondrege oya lafailo ba HP.
 .svg){kind=logo} | |
Jenis situs | Layanan jejaring sosial Penerbit |
|---|---|
| Li | Multibahasa Afrikaans, Albania, Amhara, Arab, Armenia, Assam, Azerbaijan, Basque, Belarus, Benggala, Bosnia, Breton, Bulgaria, Burma, Katalan, Cebuano, Corsica, Kroasia, Ceko, Denmark, Belanda, Belanda (Belgia), Inggris (Britania), Inggris (Amerika), Inggris (terbalik), Esperanto, Estonia, Faroe, Filipina, Finlandia, Prancis (Kanada), Prancis (Prancis), Frisia, Fula, Galicia, Georgia, Jerman, Yunani, Guarani, Gujarat, Kreol Haiti, Hausa, Ibrani, Hindi, Hungaria, Islandia, Indonesia, Irlandia, Italia, Jepang, Jepang (Kansai), Jawa, Kannada, Kazakh, Khmer, Kinyarwanda, Korea, Kurdi (Kurmanji), Kirgiz, Lao, Latvia, Lituania, Makedonia, Malagasi, Melayu, Malayalam, Malta, Marathi, Mongol, Nepal, Norwegia (bokmal), Norwegia (nynorsk), Oriya, Pashto, Persia, Polski, Portugis (Brasil), Portugis (Portugal), Punjab, Rumania, Rusia, Sardinia, Serbia, Shona, Silesia, Tionghoa sederhana (Tiongkok), Sinhala, Slowakia, Slovenia, Somalia, Kurdi Sorani, Spanyol, Spanyol (Spanyol), Swahili, Swedia, Suryani, Tajik, Tamazight, Tamil, Tatar, Telugu, Tetun, Thai, Tionghoa tradisional (Hong Kong), Tionghoa tradisional (Taiwan), Turki, Ukraina, Urdu, Uzbek, Vietnam, Wales dan Zaza |
| Tefasindro | 4 Februari 2004 di Cambridge, Massachusetts, Amerika Serikat |
| Operasi ba | Di seluruh dunia, kecuali negara yang memblokir |
| Samasindro | Mark Zuckerberg Eduardo Saverin |
| CEO | Mark Zuckerberg |
| Ina perusahaan | Meta Platforms (sebelumnya dikenal sebagai Facebook, Inc.) |
| Bolokha gu'ö | facebook |
| Famasura'ö töi | Diperlukan (untuk melakukan aktivitas apa pun) |
| Sangoguna |  2.85 miliar pengguna aktif bulanan (irugi 31 Maret 2021[update]) |
| Tefa'olo ba zato | 4 Februari 2004 |
| Status | Aktif |
| Bahasa pemrograman | PHP, C++, Hack (sebagai HHVM), D |
Tola labokai Facebook moroi ba wakake si so khai-khai ba internet, simane komputer (laptop ma zui desktop), tablet ba hape (smartphone). Na no lafasura'ö döira niha, tola lafa'anö nifotöi profil, heza la'ombakha'ö haniha ira awö informasi tanö bö'ö khöra. Aefa da'ö tola lasura ira sangoguna ngawalö duria si fakhai ba lala döröŵara: nisura, foto ma video sedöna mubabagi khö zangoguna bö'ö si no latema tobali awö (li Indonesia teman, li Inggris friend) ma zui tefazaewe khö niha sato dali wanehegö bakha ba Setelan privasi. Baero da'ö tola göi lafa'ohe'ö duria salio khö zangoguna bö'ö faoma Facebook Messenger, tola fao ba grup, ya'ia da'ö angowuloa ndra zangoguna somasi-masi mamatunö sambua duho huhuo, ba tola latema wangombakha (li Indonesia notifikasi) na so zi bohou nisura zangoguna bö'ö si no tobali awö.
Facebook no göi tobali börö wabu'asa li (li Indonesia kontroversi). Asese lategu FB niha börö isu privasi zangoguna (duma-dumania skandal data Cambridge Analytica), manipulasi politik (duma-dumania famawukaisi nifalua Rusia ba pemilu 2016 Amerika Serikat) awö nifotöi mass surveillance, ya'ia da'ö me no tobali FB nahia fondrege aoha khö intelijen ba wohörö-hörögö niha sato.
Baero da'ö no göi lategu abölö-bölö FB börö efek psikologis simane kecanduan faoma rasa rendah diri si no tobali masalah sosial ba zi sagörö ulidanö, awö isu tanö bö'ö simane famazaewe turia si lö boto (li Indonesia, berita palsu) ma zui turia samaelungu (li Indonesia teori konspirasi), fangokhögö okhöta niha bö'ö (li Indonesia pelanggaran hak cipta) ba sura ma huhuo sangobousi töi niha bö'ö (li Indonesia ujaran kebencian). Laböbögö göi khö FB, wa no ihönagö nahia wamazaewe ngawalö duria simane da'ö yaŵa awö wa töra ihöni-höni wa'oya zangoguna, ha ena'ö adöni dödö zowöli iklan.
Umbu
This article uses material from the Wikipedia Li Niha article Facebook, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.