Facebook is a Netzseitn zum Betreim vo ana Netzgmoa (social network).
www.facebook.com | |
---|---|
Motto | „Facebook mochts fia di megli, mit Menschn in deim Lem in Vabindung z tretn und Inhoide mit dena z tein.“ |
Kommerziäi | jo |
Beschreiwung | Netzgmoa bzw. soziales Netzweakportal) |
Registriarung | jo |
Sprochn | 74 Sprachversiona |
Eigndima | Facebook Inc. |
Urheba | Mark Zuckerberg, Dustin Moskovitz (Mitgrinda), Chris Hughes (Mitgrinda), Eduardo Saverin (Mitgrinda) |
Aussakema | 4. Feba 2004 |
Joareseinnohm | 2 Mrd. USD (2010) |
Mitglieda | uma 800 Mio. |
Da Betreiba is de Firma Facebook, Inc. mit Sitz in Palo Alto, Kalifornien.
De Netzgmoa gibts seit 2004 und hod im Septemba 2011 wejdweit rund 800 Milliona Mitgliada.
Anno 2003 hod da Mark Zuckerberg en Voagänga vo Facebook entwicklt: facemash.com. Do woa ra no Student on da Harvard University. De Netzseit woa vagleichboa mit da Internetpräsenz Hot or Not. Es woa ra Beweatungssystem fia Studentn am Campus. Auf dea Seitn hod a Fotos vo Studentinna vaeffenlicht, ohne vo dena de Ealaubnis z hom. De Netzbsuacha san nacha dazua aufgfoadat woan, de Attraktivität vo je zwoa zuafälli ausgsuachtn Diandln z beweatn.
Um an de Fotos vo de Diandln z kema, hod da Zuckerberg des Harvard Computer-Netzweak ghackt und hod de hauseiganan privatn ID-Buidln vawendt. Facemash hod in de eascht via Stundn, wo s online woa, 450 Bsuacha and 22.000 Photo-Osichtn ausglest. A boa Dog späda is de Seitn vo da Harvard Administration gschlossn worn. Da Zuckerberg hod si weng Sichaheits- und Copyrights-Valetzung und Valetzung vo da Privatspäre vaantwoatn miassn und is knopp an Rauswuaf entgonga.
Im foigandn Semester hod da Zuckerberg ogfongt a neie Netzseitn z programmian. Am 4. Feba 2004, hod a "Thefacebook" (thefacebook.com) im Netz platziad. Zeascht woa Thefacebook nua fia Studentn vom Harvard College do, oba boid is auf ondare Unis ausdehnt worn.
Im Summa 2004 is TheFfacebook a Firma woan. Im Juni 2004 is de Gsejschoft af Palo Alto in Kalifornien umzong. Da Peter Thiel, da Mitgrinda vo PayPal hod de easchte Investition in de Firma brocht. De Firma hod 2005 fia $200,000 an Domän-Nama facebook.com kafft und hod si drauf vom The im Firmennama trennt. Vo do o hods nua no "Facebook" ghoassn.
S Konzept vo Facebook hod zoireiche Nochohma wia StudiVZ und wer-kennt-wen. StudiVZ is da Voawuaf gmocht worn, a Plagiat vo Facebook z sein. Am 19. Juli 2008 hod Facebook beim US-Beziaksgericht z San José, Kalifornien, geng de Betreiba vo studiVZ a Klog eingreicht; da Voawuaf woa Diabstoi vo geistign Eigndum.
This article uses material from the Wikipedia Boarisch article Facebook, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.