Facebook: 社交網站

Facebook公司

Facebook Inc.
類型	上市公司
股票代號（中文：股票代號）	納斯達克：FB
開檔	2004年2月4號 (20年之前) (2004-02-04)
創辦人	馬克．朱克伯格、愛德華多、克里斯
董事長	朱克伯格（兼總裁）
行政總裁	朱克伯格（兼產品總監）
總部地址	美國加州矽谷
業務地區	美國（2004–05） 世界各地（2005–）
產業	互聯網、社群網路服務
年營業額	▲ US$179.28億（2015年）
網址	facebook.com

用戶可以免費用網站，而網站收入主要喺廣告同用戶數據度嚟。

Facebook重未有官方中文譯名，稱呼多以原文為主（或簡稱FB），但根據唔同中文地區嘅差異，亦逐漸發展出各別嘅常用譯名。粵語音譯有非時卜、飛時卜、非士卜、飛士卜、非屎卜、飛屎卜、飛卜。普通話音譯有非死不可。

站長

Facebook主要管理員有：

• Mark Zuckerberg（董事長兼首席執行官）
• Sheryl Sandberg（首席運營官）
• Mike Schroepfer（首席技術官）
• David Wehner（首席財務官）

至2019年1月之前，Facebook有35,587位員工。

大會

2019年4、5月，AGM期間提名Peggy Alford成為Facebook董事局成員。Alford可能會係董事會上第一位非裔美國女性。截至2019年4月，Facebook 董事會由幾個人組成，包括：

• Mark Zuckerberg（董事長，創始人兼首席執行官）
• Sheryl Sandberg（執行董事兼首席運營官）
• Marc Andreessen（非執行董事，聯合創始人兼普通合夥人，Andreessen Horowitz）
• Erskine Bowles（非執行董事，北卡羅來納大學名譽主席）
• Kenneth Chenault（非執行董事，General Catalyst總裁兼董事總經理）
• Susan Desmond-Hellmann（Bill＆Melinda Gates基金會非執行董事，首席執行官）
• Reed Hastings（非執行董事，主席，Netflix聯合創始人兼首席執行官）
• Peter Thiel（非執行董事，PayPal聯合創始人兼前首席執行官，Clarium Capital創始人兼總裁）
• Jeffrey Zients（非執行董事，美國國家經濟委員會前主任）

收入

Facebook係2018年財富500強中排名第76位，仲多謝用戶留意廣告。據2017年數據分析，每位用戶幫Facebook賺到20.21美元嘅廣告收入。。

另外，Facebook將訪問數據批量賣畀第三方，重「和味過和味龍」發過五毛走私客。

 

收購

Facebook公司壟斷合併多間相似公司，當中最主要同大間有Instagram、WhatsApp，同埋Oculus Rift。

實址

全世界有好多樓係Facebook。美國、加拿大以外Facebook用戶由FB愛爾蘭子公司「Facebook Ireland Limited」管理，包括：歐洲、亞洲、澳洲、非洲，同南美洲等地。因此，免除幾成美國稅務問題。

•  
  加利福尼亞州帕洛阿爾托斯坦福研究園，前Facebook總部

•  
  加利福尼亞州門洛帕克，Facebook總部大樓

•  
  2014年Facebook總部

稅務

 

用戶隱私外流問題

2010年代，美國國家安全局（NSA）開始收集Facebook公司所有社交媒體服務，入面包括用戶個人資料同信息。

2018年，英國媒體揭發劍橋分析公司（英文：Cambridge Analytica）喺未經授權嘅情況下，俾用5,000萬名Facebook用戶嘅資料，引致風波。

《商業內幕（中文：商業內幕）》又爆Facebook曾長期追蹤Android用家嘅短信、通話明細。

涉信息壟斷同名聲問題

 

Facebook公司控制多個主要社交通訊產品，統一管理Instagram同WhatsApp。福布斯上有西方投資者指，FB公司好多醜聞，戰略變革潛伏問題，令產品可靠性受嚴重破壞。

由於Facebook公司愈做愈大，涉及美國「競爭問題」，同「反競爭行為」法律上，將遭遇嚴格審查。司法機構眾議院主席Jerrold Nadler聲明，開放互聯網為美國帶嚟巨大利益、經濟激增、大規模投資、網上教育等。但同時證明，少數人借機控制互聯網商務，內容同通信。

Now新聞直播消失

Facebook上，關於2019年7月21號元朗「白衣人」無差別襲擊市民事件，Now新聞直播嘅一條約7分鐘新聞片段無故消失。Now TV同Facebook都表示絕無移除，或修改有關直播內容。方保僑話技術上兩邊都講得通，估計上傳出問題，但未知確實原因。

社運時大量港人被封號

2017年，高登討論區「巴打」分享自己個Facebook俾其他派人士針對性舉報而被封號。之後，被封號人士要向Facebook提供身份証明文件，解封帳號。變相「實名制」被指係Facebook被中國化，有損個人私隱，網絡自由。

2019年反修例風波開始，香港媒體發現FB封鎖大量香港人帳號問題。

「停權風波」增加用戶麻煩同憂慮，令人到各大討論區上批評。網民稱站方管理政治化，而且「無差別」同「莫須有」，有殺錯無放過。因由係，部份封鎖原因表明「審查7至8月（過去）相片同留言」；「停權幾多日」；又指「帳號安全問題」等…不過，有用戶表示完成「安全驗證」亦都無得用。單就連登討論區就有好多批評：Facebook近年愈做愈壟斷、赤化等，甚至要向朱克伯格執行長怒吼：「朱西百格日日被中國西夾住」。

個別國家實施封鎖有好多原因，如政治或宗教因素，或者Facebook縱容反伊斯蘭教內容，同埋其他宗教歧視內容。好多公司或共用空間都唔畀人上Facebook。

自我審查

Facebook人員自爆會主動審查用戶。印度、土耳其、墨西哥有審查機制，但只係性方面，無話同政治有關，而相會俾站方「PS」。

不過，香港親共社團「愛港之聲」、「培青社」等聲言遭站方多次刪除專頁內容。匿名員工爆料，被強迫用後台刪走政治言論。而Facebook無直接回應，只係話有嚴格工作規則同站方係「客觀中立」。

中國大陸審查同封鎖

局部封鎖

• 2010年，巴基斯坦、孟加拉國因穆罕默德漫畫封鎖Facebook，直到站方删走「穆罕默德漫畫」後解封。

• 2010年11月，沙特阿拉伯用違反國家道德價值觀理由，封鎖Facebook，現已全面解封。

• 2011年9月，緬甸短暫封鎖Facebook、YouTube等大量境外網站。

• 越南政府會因「危害社會主義」而封鎖社交網站，例如：Facebook。

全面封鎖

好多非西方國家都會對Facebook進行全站封鎖同審查，伊朗、烏茲別克、敘利亞、古巴。北韓因光明網限制內聯網活動，所以普通人通常無得接觸互聯網。而敘利亞係由於戰爭造成限制。

• 《社交網絡》（The Social Network），一部2010年電影，由大衛芬查執導，改編自2009年一本用Facebook命名暢銷書籍。
• 香港無綫電視劇集多次出現相似社交網站。由於《廣播條例》對電視節目上商業宣傳有嚴格規定，同埋植入式廣告收入有關，所以劇集用好多其他名取代真實品牌。單單Facebook就俾佢改好多花名，例如：Facecook、Facelook、Friendsbook、Faceoff、FreeHook、FaceBowl、MaskyBook。不過2010年尾，無綫電視劇集開始直接用Facebook一詞，未知係咪講好條廣告數。

• 微博
• 領英

• Facebook