Ingwara iterwa n'umugera wa Ebola (EVD) canke Ingwara y'ukuvira imbere no gushuha ya Ebola (EHF) ni ingwara ifata abantu iterwa n'Umugera wa Ebola.
Ibimenyetso bitangura inyuma y'indwi zibiri canke zitatu umuntu afashwe n'uwo mugera, igafatira k'ubushuhe, kubabara mu muhogo, kubabara mu mitsi, hamwe no kumeneka umutwe. Ahanini iseseme, kuyorwa no gucibwamwo nivyo bikurikira, bifatanije no gucika intege vy'igitigu hamwe n'amafyigo. Kuri urwo rugero, abantu bamwe baca batangura kugira ingorane yo kuvirirana amaraso.
Ingwara iterwa n’umugera wa Ebola | |
---|---|
Ifoto yo mu 1976 y’abaforomakazi babiri bahagaze imbere ya Mayinga N., umuntu arwaye ingwara iterwa n’umugera wa Ebola; yitavye Imana haheze iminsi mike bivuye ku kuvira imbere gukomeye cane. | |
Classification and external resources | |
Specialty | infectious diseases |
ICD-10 | A98.4 |
ICD-9-CM | 065.8 |
DiseasesDB | 18043 |
MedlinePlus | 001339 |
eMedicine | med/626 |
MeSH | D019142 |
Uyo mugera ushobora kwandurwa bitewe n'amaraso canke amazi yo ku mubiri y'igikoko kirwaye (cane cane inkende canke uduhungarema). Kwandura biciye mu kirere ntibiratangazwa neza mu nyandiko. Ubuhungarema bavuga ko bushobora gutwara no gukwiragiza uyo mugera ariko bwo ntibwandure. Igihe umuntu afashwe, ingwara irashobora guca ikwiragira mu bandi bantu. Abagabo bakiriho barashobora gukwiragiza iyo ngwara biciye mu ntanga mu gihe cababa amezi abiri. Mukuyisuzuma, ahanini izindi ngwara bisangiye ibimenyetso nka malaria, korera hamwe n'izindi ziterwa n'imigera zirangwa no kuva amaraso no gushuha babanza kuzikuramwo. Mu kwemeza inyishu, ibipimo vy'amaraso birasubirwamwo gusuzumwa ku vyerekeye utugera tw'abasoda b'umubiri, utugera twa RNA, canke uwo mugera ubwawo.
Kuyirwanya harimwo kuyibuza gukwiragira iva mu nkende zanduye canke ingurube ija mu bantu. Ivyo bishobora gukorwa mu gusuzuma ivyo bikoko hama bikicwa maze bigahambwa neza ku buryo butegekanywa, mu gihe iyo ngwara imaze kugaragara. Guteka inyama neza no kwikingira mu gihe uriko urakorakora inyama birashobora gufasha, co kimwe no kwambara ibikingira umubiri no gukaraba mu minwe igihe uri hafi y'uwurwaye iyo ngwara. Ivyakoze mu gupima canke ivyambarwa vy'abantu barwaye iyo ngwara bitegerezwa gufatwa mu buryo bwo kugaba cane.
Nta muti uraboneka w'iyo ngwara; mu kugira inguvu zo gufasha abantu bamaze kugrwara iyo ngwara harimwo kubaha amazi y'ubuzima (amazi arimwo agasukari n'akunyu) canke serumu. Iyo ngwara iri hejuru ku vyerekeye urugero rwo kwica: kenshi ishobora kwica hagati y'ibice 50% na 90% vy'abafashwe. EVD yatanyuye kumenyekana muri Sudani no muri Republika Iharanira Demokarasi ya Kongo. Iyo ngwara ahanini ikunda kwaduka nk'ikiza mu burere bwegereye tropike bwa Africa yo munsi ya Sahara. Kuva mu 1976 (Igihe iyo ngwara yamenyekana) gushika mu 2013, abantu bari munsi y'1,000 ku mwaka nibo bamaze gufatwa. Ikiza gikomeye gushika ubu ni Ikiza ca Ebola co mu 2014 muri Afrika y'Uburengerazuba, kimaze gufata Guinee, Sierra Leone, Liberiya nkeka no muri Nigeriya. Gushika muri Myandagaro abarwayi bashika nibo bamaze kumenyekana. Inguvu ziriko ziragirwa kugira haboneke urucanco; ariko nta na rumwe ruraboneka.
This article uses material from the Wikipedia Ikirundi article Ingwara iterwa n’umugera wa Ebola, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ikirundi (DUHOCTRUNGQUOC.VN) is an independent company and has no affiliation with Wiki Foundation.