Þjórsá

Þjórsá
Die Þjórsárivier met die gletsers Tindfjallajökull en Eyjafjallajökull in die agtergrond.
Oorsprong	Hofsjökull
Monding	Atlantiese Oseaan
Stroomgebied	Ysland
Lengte	230 km (143 myl)
Mondinghoogte	0 m

Die oorsprong van die Þjórsá is geleë by die Hofsjökull-gletser. Die Þjórsá loop langs die historiese boerdery Stöng en vloei iewat verder stroomaf saam met die Tungnaá. Verder suidwaarts lê die eiland Árnes in die breë rivier. Dan bereik die rivier uiteindelik die hringvegur ("die Ringpad oftewel Roete 1"), waar die hoofweg tussen Selfoss en Hella oor die rivierbrug loop.

In die Þjórsá word twee waterkragsentrales gevind: Búrfellsvirkjun vlak by die vulkaan Hekla, en die Sultartangavirkjun. Die Búðarhálsvirkjun is in aanbou, en op die tekenbord is twee ander: die Núpsvirkjun en die Urriðafossvirkjun.

In die Þjórsá is verskillende aantreklike watervalle. Vanaf die oorsprong stroomaf is onder meer die Kjálkaversfoss, Dynkur, Gljúfurleitarfoss, Tröllkonuhlaup, Þjófafoss, Minna-Núps flúðir, Búðafoss en die Hestfoss. Die laaste waterval Urriðafoss (Salmwaterval) word stroomaf van die hringvegur gevind.

• Foto: Þjórsárver Geargiveer 27 September 2007 op Wayback Machine