Ófærð

Uitsending in Ysland op RÚV is op 27 Desember 2015 begin. Die eerste reeks van tien episodes, wat deur Sigurjón Kjartansson en Clive Bradley geskryf is, volg Andri Olafsson (Ólafur Darri Ólafsson), die polisiehoof in 'n afgeleë dorp in Ysland, wat die moord op 'n voormalige dorpsgenoot, wie se verminkte lyk deur vissers ontdek is, oplos. Die reeks is geregisseer deur Kormákur, Baldvin Z, Óskar Thor Axelsson en Börkur Sigthorsson.

Golden Globe-wenner Jóhann Jóhannsson, Hildur Gudnadóttir en Rutger Hoedemaekers het die musiek gekomponeer. Sigurjón Kjartansson het as uitvoerende vervaardiger opgetree, saam met Kormákur en Magnus V. Sigurdsson as vervaardigers. Dagblaðið Vísir het op 2 Mei 2015 berig dat Ófærð die duurste televisiereeks ooit is wat in Ysland gemaak is, met 'n totale koste van ongeveer 1 000 000 000 krone (6 500 000 euro). Voor dit het die produksiekoste van die meeste Yslandse televisiereeks selde 100-200 000 000 krone oorskry. RVK Studios het die grootste deel van die finansiering voorsien, terwyl Creative Europe ook die projek met 75 000 000 krone ondersteun het. Verfilimg vir die eerste reeks het tussen Desember 2014 en Mei 2015 in Siglufjörður, Seyðisfjörður en Reykjavík plaasgevind.

Die reeks het sy wêreldwye première tydens die Toronto International Film Festival op 20 September 2015 ontvang. Dit is sedertdien aan talle uitsaaiers oor die hele wêreld verkoop, waaronder die BBC, wat dit op 13 Februarie 2016 in die Verenigde Koninkryk op BBC Four begin vertoon het. Die Weinstein Company het die Amerikaanse verspreidingsregte aangekoop.

In September 2016 het RÚV aangekondig dat opdrag vir 'n tweede reeks van tien episodes gegee is om in laat 2018 uitgesaai te word met dieselfde hoofkarakters. Hooffotografie vir die tweede reeks het in Oktober 2017 in Siglufjörður begin. Die eerste episode is op 26 Desember 2018 op RÚV gepremière, en gedurende Februarie/Maart 2019 op BBC Four uitgesaai, met twee episodes wat rug-aan-rug vertoon is.

In Desember 2018 was daar reeds vroeë werk aan 'n derde reeks aan die gang.

Bekendgestel in seisoen 1

• Ólafur Darri Ólafsson as Andri Olafsson, polisiehoof van Siglufjörður (seisoen 1), speurder in Reykjavík (seisoen 2)
• Ilmur Kristjánsdóttir as Hinrika Kristjánsdóttir, polisiebeampte van Siglufjörður, later polisiehoof
• Ingvar Eggert Sigurðsson as Ásgeir Þórarinsson, polisiebeampte van Siglufjörður
• Þorsteinn Gunnarsson as Eiríkur Davidsson, Agnes se vader
• Nína Dögg Filippusdóttir as Agnes Eiríksdóttir, Andri se eksvrou, woon in Reykjavík
• Bjarne Henriksen as Søren Carlsen, Deense veerbootkaptein
• Baltasar Breki Samper as Hjörtur Stefánsson, die vriend van Dagný, wat die brand oorleef het; later getroud, toesighouer by Siglufjörður-fabriek
• Björn Hlynur Haraldsson as Trausti Einarssson, hoof van die Buro vir Ondersoek in Reykjavik
• Þorsteinn Bachmann as Sigurður Gudmundsson, hawemeester, die seun van Guðmundur
• Pálmi Gestsson as Hrafn Eysteinsson, Siglufjörður-burgemeester, voormalige polisiehoof
• Jóhann Sigurðarson as Leifur, eienaar van die visfabriek en María se vader
• Sigrún Edda Björnsdóttir as Kolbrún, Hrafn se vrou, later 'n plaaslike politikus
• Steinunn Ólína Þorsteinsdóttir as Aldís Grímsdóttir, onderwyseres, die vrou van Sigurður
• Hanna María Karlsdóttir as Þórhildur, Agnes se moeder
• Ólafía Hrönn Jónsdóttir as Freyja, Hjörtur se moeder
• Rúnar Freyr Gíslason as Sigvaldi, Agnes se nuwe lewensmaat
• Elva María Birgisdóttir as Þórhildur, Andri en Agnes se ouer dogter, keer terug na Siglufjörður
• Júlia Guðrún Lovisa Henje as Perla, Andri en Agnes se jonger dogter
• Guðjón Pedersen as Bárður, Hinrika se lewensmaat
• Katla M. Þorgeirsdóttir as Laufey Eiríksdóttir, die ander suster van Agnes
• Jasmín Dúfa Pitt as Jóhanna, Laufey se dogter
• Vytautas Narbutas as Jonas Malakauskas, Litause mensehandelaar
• Grace Achieng as Joy, 'n Nigeriese meisie
• Marta Quental as Nishadi, Joy se jonger suster
• Hans Tórgarð as Dvalin Knudsson, veerbootingenieur
• Georg Leite de Oliveira Santos as Ayanike, veerbootsjef
• Lilja Nótt Þórarinsdóttir as María, kollega van Hrafn, dogter van Leifur
• Jón Pétursson as Maggi, María se kind
• Kristján Franklín Magnúss as Guðni, hoteleienaar
• Magnús Ragnarsson as Friðrik Davíðsson, 'n LP
• Sigurður Karlsson as Guðmundur, visserman
• Eysteinn Sigurðarson as Hjálmar, 'n jong man
• Sigurður Skúlason as Rögnvaldur, man in 'n rolstoel
• Salka Sól Eyfeld as Soffia, vriendin van Jóhanna
• Jóel Sæmundsson as Þór Snædal, Trausti se kollega
• Arnar Jónsson as Ævar, 'n senior polisiebeampte in Reykjavik
• Guðrun Gísladóttir as Ragna, 'n TV-joernalis
• Stefán Jónsson as Geirmundur Jónsson
• Rán Ísóld Eysteinsdóttir as Dagný Eiríksdóttir, Agnes se suster wat 7 jaar voor die begin van seisoen 1 dood is

Bekendgestel in seisoen 2

• Sólveig Arnarsdóttir as Halla, LP
• Steinn Ármann Magnússon as Ketill, boer van Siglufjörður, protesteer teen die fabriek
• Stormur Jón Kormákur Baltasarsson as Aron, die kêrel van Þórhildur
• Aron Már Ólafsson as Víkingur, Siglufjörður-abriekwerker
• Kingsford Siayor as Ebo, Ghanese werker by die Siglufjörður-fabriek
• Arnmundur Ernst Björnsson as Stefán, Siglufjörður-fabriekwerker

Seisoen 1 (2016)

Seisoen 2 (2019)

Herhalende karakters uit die eerste reeks sluit in:

• Andri Olafsson, nou by die polisie in Reykjavik
• Hinrika, nou polisiehoof
• Ásgeir, polisiebeampte
• Agnes Eiríksdóttir, eksvrou van Andri
• Hjörtur, nou werksaam as toesighouer by 'n plaaslike fabriek
• Þórhildur, Andri en Agnes se ouer dogter
• Perla, Andri en Agnes se jonger dogter
• Laufey Eiríksdóttir, Agnes se suster
• Kolbrún, weduwee van die voormalige burgemeester
• Trausti Einarssson, hoof van die Buro vir Ondersoek in Reykjavik
• Guðjón Pedersen as Bárður, Hinrika se vennoot

Die eerste episode het sy wêreldwye première op die Toronto International Film Festival op 20 September 2015 ontvang, as deel van dié rolprentfees se nuwe Primetime-platform van geselekteerde televisieprojekte. Die eerste reeks het op 27 Desember 2015 op RÚV in Ysland begin uitsaai, en uitsaairegte is sedertdien aan verskeie lande verkoop. Die reeks het op 18 Januarie 2016 op NRK1 in Noorweë begin, onder die titel Innesperret ("Vergrendeld"), en op 2 Februarie op Yle Fem in Finland onder die titels Fångade (Sweeds, "Gevange") en Loukussa (Fins, "Gevange"). Die reeks is op 13 Februarie vir die eerste keer op BBC Four in die Verenigde Koninkryk uitgesaai en op 21 Februarie op RTÉ2 in Ierland onder die titel Trapped (Engels, "Vasgevang").

Die reeks is ook op France 2 in Frankryk en op ZDF in Duitsland uitgesaai. In Australië het SBS on Demand die eerste seisoen vir stroming vrygestel op 16 Junie 2016, gevolg deur 'n televisie-uitsending op SBS One op 30 November 2016. In Pole het Ale Kino+ die reeks op 7 September 2016 begin uitsaai, met twee episodes per week, rug-aan-rug. In Denemarke het DR2 die reeks op 30 November 2016 begin uitsaai, met twee episodes per week, rug-aan-rug, onder die titel Fanget ("Gevange").

In die Verenigde State het Viceland die reeks op 19 Februarie 2017 begin uitsaai. In België het Canvas die reeks op 11 Maart 2017 begin uitsaai. In Portugal het RTP2 op 13 Oktober 2017 die reeks onder die titel Encurralados (Portugees, "Vasgekeer") begin uitsaai. In die Tsjeggiese Republiek het CT2 die reeks onder die titel V Pásti (Tsjeggies, "Vasgevang") op 12 Januarie 2018 begin uitsaai. In Italië het TIMvision vanaf 5 Februarie 2018 die eerste reeks op aanvraag beskikbaar gestel.

• Ófærð op IMDb