Die nasionale vlag van die DR Kongo is op 20 Februarie 2006 amptelik in gebruik geneem.
Die vlag vertoon ’n hemelsblou vlag met ’n diagonale rooi baan met geel fraaiings van die onderkant van die vlagpaalkant tot die bokant van die wapperkant; ’n geel vyfpuntige ster is in die skildhoek.
![]() | |
Gebruik | Nasionale vlag en vaandel ![]() |
---|---|
Verhouding | 3:4 |
Goedgekeur | 20 Februarie 2006 |
Ontwerp | ’n Blou vlag met ’n skuins rooi baan met geel fraaiings van die onderkant van die vlagpaalkant tot die bokant van die wapperkant. ’n Geel ster in die skildhoek. |
![]() | |
Bynaam | Presidentsvlag |
Verhouding | 2:3 |
Ontwerp | Nasionale vlag met ’n bykomende inskrywing Le President |
Blou is veronderstel om vrede voor te stel. Rooi verteenwoordig die “bloed van die land se martelare, geel die rykdom van die land en die (vyfpuntige) ster die stralende toekoms van die land”.
’n Nuwe grondwet wat in Desember 2005 bekragtig is en in Februarie 2006 in gebruik geneem is het ’n vlag voorgestel soortgelyk aan die een wat tussen 1963 en 1971 gebruik is slegs met die verandering van die koningsblou na ’n hemelsblou.
Die kleurskema word hieronder gelys:
![]() | Blou | Rooi | Geel |
---|---|---|---|
RGB | 0-127-255 | 206-16-33 | 247-214-24 |
Heksadesimaal | #007fffff | #ce1021ff | #f7d618ff |
CMYK | 100, 50, 0, 0 | 0, 92, 84, 19 | 0, 13, 90, 3 |
Die vorige vlag is in 1997 aanvaar. Dit is soortgelyk aan die vlae wat tussen 1960 en 1977 gebruik is. Die sterre aan die vlagpaalkant het oorspronklik die ses provinsies van die Demokratiese Republiek die Kongo voorgestel maar is nie meer van toepassing nie omdat die DRK nou tien onafhanklike provinsies en een onafhanklike stad (Kinshasa) het. Die vlag is gebaseer op die vlag wat oorspronklik gebruik is deur Koning Leopold se Association Internationale Africaine (wat veronderstel was om 'n humanitêre organisasie te wees) en is vir die eerste keer in 1877 gehys. Die oorspronklike ontwerp vir die vlag is na bewering gedoen deur die Europese ontdekkingsreisiger, Henry Morton Stanley, en die uitleg bestaan uit ’n blou agtergrond met ’n vyfpuntige goue ster in die middel waar die ster die “lig van die beskawing” aandui wat nou helder in donker Afrika skyn. Dieselfde ontwerp is daarna as die vlag van die Kongo-Vrystaat geïmplementeer nadat die gebied as die amptelike besit van Leopold II verklaar is by die Koloniale Konferensie van Berlyn.
Nadat onafhanklikheid van België op 30 Junie 1960 verkry is, is dieselfde basiese ontwerp behou maar daar is ses sterre bygevoeg om die ses provinsies van die land op daardie tydstip te simboliseer. Die ontwerp is van 1960 tot 1963 gebruik.
Die vlag van die Tweede Republiek (Zaïre) van Mobutu Sese Seko het die amptelike banier geword nadat Mobutu sy diktatorskap verseker het. Hierdie vlag is van 1966 tot 1971 gebruik en het bestaan uit dieselfde geel ster, nou kleiner en in die wapenskild van die vlag met ’n rooi baan met geel fraaiings wat skuins oor die vlag strek. Die rooi het die bloed van die ense voorgestel, die geel vooruitgang en die blou hoop terwyl die ster eenheid voorgestel het.
Hierdie vlag is verander toe die naam van die land verander het na Zaïre in 1971. Die vlag van Zaïre (soos onder) is ontwerp as deel van Mobutu se poging tot her-Afrikanisering van die nasie en is amptelik gebruik tot en met die einde van Mobutu se diktatorskap in 1997.
Wiki Commons bevat media in verband met Vlae van die DR Kongo. |
Hierdie artikel is in sy geheel of gedeeltelik vanuit die Engelse Wiki vertaal. |
This article uses material from the Wikipedia Afrikaans article Vlag van die Demokratiese Republiek die Kongo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.