Bandeira Da República Democrática Do Congo: Bandeira nacional
A bandeira nacional da República Democrática do Congo foi adoptada o 18 de febreiro do 2006 xunto cunha nova constitución.
A nova bandeira é moi similar á de 1963: azul cunha franxa diagonal vermella de bordos amarelos e unha estrela tamén amarela na esquina superior esquerda.
| Bandeira da República Democrática do Congo | |
|---|---|
 | |
| Características | |
| Uso | |
| Proporción | 2:3 |
| Adopción | 18 de febreiro de 2006 |
| Cores | Azul Vermello Amarelo |
Cores
- Vermello: representa o sangue dos mártires do país.
- Amarelo: representa a riqueza, e a estrela un futuro radiante para o país.
- Azul: representa a paz.
Protección xurídica da bandeira
O artigo 138 do código penal da República Democrática do Congo contempla como infracción a ultraxe ao emblema do país. Esta ultraxe pode entenderse como todo acto, todo xesto susceptible de afectar á integridade da bandeira ou de degradar o seu valor emblemático e simbólico representativos da identidade e da unidade nacional.
Historia
A primeira bandeira do Congo foi izada en 1877 pola Asociación Internacional Africana do rei Leopoldo II de Bélxica, que estaba formada por un pano azul cunha estrela amarela de cinco puntas no centro, e que supóstamente foi deseñada polo famoso explorador Henry Morton Stanley, representando a luz da civilización alumeando á África Negra. Este deseño mantívose tras ser recoñecida oficialmente a posesión belga do Estado Libre do Congo na Conferencia de Berlín.
Tras conseguir a independencia o 30 de xuño de 1960, engadíronse á bandeira seis estrelas, representando ás seis provincias nas que estaba dividido o Congo Belga no momento da súa independencia.
En 1963, trala revolta de Katanga e o golpe de estado do xeneral Mobutu Sese Seko, adoptouse unha nova bandeira, tamén de cor azul coa estrela amarela na esquina superior do lado da hasta, e unha franxa diagonal de cor vermella perfilada en cor amarela.
En 1971, co cambio de nome do país (que pasou a chamarse Zaire), volveuse cambiar a bandeira. O deseño da bandeira de Zaire consistiu nun fondo verde claro, cun círculo amarelo no centro cunha man dereita levando un facho con lapas vermellas dentro.
En 1997, coa caída do réxime do xeneral Mobutu Sese Seko, volveuse adoptar a bandeira da independencia, é dicir, de cor azul cunha estrela amarela de cinco puntas no centro e con seis estrelas amarelas de cinco puntas dispostas verticalmente do lado das hastas que representan ás seis provincias nas que estaba dividido o Congo no momento da súa independencia.
No 2005, a nova constitución prevía restablecerr unha bandeira semellante á de 1966. Logo da adopción da constitución, esta bandeira converteuse na oficial e izouse por primeira vez o 18 de febreiro do 2006.
Bandeiras históricas
-
-
Bandeira da Independencia (1960-1963) -
Bandeira do Congo-Kinshasa (1966-1971) -
Bandeira del Zaire (1971-1997) -
Bandeira do Congo-Kinshasa (1997-2006) -
Bandeira do Congo-Kinshasa dende o 2006.
_(1960%E2%80%931963).svg)
.svg)
.svg)
.svg)
Véxase tamén
Ligazóns externas
This article uses material from the Wikipedia Galego article Bandeira da República Democrática do Congo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.