Amarelo

Pódese considerar unha mestura entre as cores vermella e verde. O amarelo é a cor complementaria do azul; o pigmento amarelo absorbe a luz azul.
O amarelo é unha das cores primarias.

• É considerado o máis expansivo entre os matices, así como o que máis atrae aos ollos. A exploración do seu uso ten unha grande importancia na obra de Vincent van Gogh.
• O amarelo era a cor símbolo do Emperador da China, e por consecuencia, da Monarquía chinesa.
• En moitos países, os taxis son de cor amarela. Esta práctica, aparentemente comezou en Nova York, por mor de Harry N. Allen que pintou o seu vehículo de cor amarela, logo de saber que esta cor era a máis visible a distancia.
• A cor amarela, no teatro seica dá mala sorte polo contratempo que tivo Moliere, que morreu ó ve-la súa obra Tartufo representada, e onde abundaban no decorado elementos desa cor.
• A cor amarela tamén acostuma a se usar en moitos países nas "páxinas amarelas", que son directorios telefónicos de compañías.

• Nin bo Xan, nin bo Pedro, nin boi marelo por riba do rego.

Cantigas

• A do refaixo amarelo/ vai na popa do navío,/ téndeme conta con ela,/ que non se caia no río.
• Aínda que estou aquí cantando,/ triste está o meu corazón;/ téñocho máis amarelo/ que unha casca de limón.
• Maruxiña, Maruxiña,/ a do refaixo amarelo;/ se te atopo no camiño/ non che ha de valer ‘non quero’.
• Miña nai e maila túa/ van á feira a Paradela/ vende-lo becerro branco/ e maila vaca amarela.

•  
  Flor da xesta, Galiza
•  
  Rosa amarela na Coruña
•  
  Xirasol
•  
  Banana
•  
  Limóns
•  
  Xofre
•  
  Peixe (Chaetodon semilarvatus)
•  
  Paxaro
•  
  Calicotome villosa
•  
  Queixo

Wiki Commons ten máis contidos multimedia na categoría:  Amarelo

Bibliografía

• Gran Enciclopedia Galega, Vigo 2003, tomo 2 s. v. amarelo.

Outros artigos

Lista de cores