Flava: Koloro

Flavo estas la koloro de lumo kun ondolongo inter 565 kaj 590 nm, kaj la komplementa koloro de la viola koloro.

Flavo:

• estas unu el la bazaj koloroj de la subtraha reprezento de koloroj,
• estiĝas per egale miksado de ruĝa kaj verda koloroj laŭ la adicia reprezento de koloroj,
• estas, en la naturo, averta koloro. Tial ĝi estas uzata en trafikaj avertaj signoj kaj en semaforoj.

Ĉe la antikvaj ĉinoj flavo reprezentis la "mezejon", do Ĉinion mem. Ĉe la majaoj ĝi reprezentis sudon.

Ĉe kelkaj popoloj, flavo simbolas ĵaluzon, verŝajne pro la Mezepoka dogmo pri la "kvar likvoj" de la korpo, laŭ kiu la flava galo kaŭzus malbonhumoron kaj malicon.

En la politiko, flava estas plej ofte rilata al liberalismo, libertarianismo kaj anarki-kapitalismo. Ĝi estas ankaŭ uzata pri ĵurnalismo kaj sindikato.

Flavo apartenas al la Tutafrikaj koloroj.

Oni ankaŭ uzas la vorton "flava" por priskribi la flavbrunan ĝis helbrunan haŭton de Azidevenaj mongoloidoj.

En diversaj kolormodeloj oni prezentas la flavan koloron jene:

• RVB: R = 255; V = 255; B = 0.
• CMFN: C = 0; M = 0; F = 100; N = 0.
• HSV: H = 60°, S = 100%, V = 100%.

• blonda - pri haroj: inter ora kaj kaŝtana.

-pri aĵoj: helflava, ekzemple "blonda biero".

• kakia
• ora - samkolora, kiel oro (nur uzata en kelkaj cirkonstancoj: pri haroj, poezie pri citronoj, ktp.)
• grizflava - havanta koloron, en kiu flavo kaj grizo miksiĝas (ekz-e naturkolora lano)
• safrana - flava kiel safrano
• Sablokolora

• Ruĝa > Oranĝa
• Ruĝa kaj nigra > Bruna
• Blua > Verda
• Bruna > Okra

En la lingvo Esperanto la vorto "flavo" kiel ĉiuj nomoj de koloroj estas A-karaktera radiko.

Bildaro

•  
  Citronoj
•  
  Averta signo ĉe vojoj
•  
  Oranĝa trafiklumo
•  
  Flava kablo
•  
  Taksioj