Die tierhaai (Galeocerdo cuvier) is 'n groot haaispesie wat vanaf Valsbaai tot by Mosambiek aan die Suid-Afrikaanse kus voorkom.
Dit is een van die min haaie wat gevaarlik is vir mense. In Engels staan die haai bekend as die Tiger shark.
Tierhaai | |
---|---|
Wetenskaplike klassifikasie | |
Domein: | Eukaryota |
Koninkryk: | Animalia |
Filum: | Chordata |
Klas: | Chondrichthyes |
Orde: | Carcharhiniformes |
Familie: | Carcharhinidae |
Genus: | Galeocerdo |
Spesie: | G. cuvier |
Binomiale naam | |
Galeocerdo cuvier Péron & Lesueur, 1822 | |
Verspreiding | |
Sinonieme | |
Squalus cuvier Peron en Lessueur, 1822 |
Die volwasse haaie het donkerder, vertikale strepe oor die rug. Hulle het 'n knipvlies ('n membraan wat oor die oë kan beweeg), twee rugvinne, 'n buikvin en vyf kieusplete. Die tierhaai het ook 'n opvallende kort en stomp snoet. Die haai word tot 5,5 m lank en 900 kg swaar. Uitskieters kan nog groter en swaarder word, maar dit is uiters skaars.
Die tierhaai behoort aan die familie Carcharhinidae en is die enigste spesie in die genus Galeocerdo.
Dié haai is 'n gewilde toeriste-aantreklikheid vir skubaduikers by die Aliwal-bank.
Wiki Commons bevat media in verband met Galeocerdo cuvier. |
This article uses material from the Wikipedia Afrikaans article Tierhaai, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.