Sri Lanka-Aanval Van 2019: Aanvalle op drie kerke, vier hotels en n behuisings kompleks in Sri Lanka op 21 April 2019
Op die Paassondag van 21 April 2019 ontplof bomme by drie kerke regoor Sri Lanka en by drie luukse hotelle in die land se kommersiële hoofstad, Colombo.
Later daardieselfde dag vind kleiner ontploffings by 'n woonkompleks en by 'n gastehuis plaas. Verskeie stede is in die aanvalle geteiken. 258 mense is in die aanvalle om die lewe gebring, waarvan ten minste 46 buitelandse burgers en drie polisielede was. Ten minste 500 mense is beseer.
Die selfmoordbomaanvalle by die drie kerke het plaasgevind tydens Paasdienste in Negombo, Batticaloa, en Colombo; die hotelle in Colombo wat onder selfmoordbomaanvalle deurgeloop het, was die Shangri-La, die Cinnamon Grand, en die Kingsbury.
Volgens regeringsverslae was al sewe van die selfmoordbombaanvallers in die byna gelyktydige aanvalle Sri Lankaanse burgers wat met die Sri Lankaanse militante Islamistiese groep Nasionaal Thowheeth Jama'ath verbind word.
Op 22 April 2019 verklaar die Sri Lankaanse regering 'n noodtoestand en stel 'n aandklokreël in, en kondig aan dat 'n nasionale roudag op 23 April 2019 waargeneem sal word.
Verwysings
This article uses material from the Wikipedia Afrikaans article Sri Lanka-aanval van 2019, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.