Springfontein
Springfontein is 'n landboudorp in die suide van die Vrystaat, in Suid-Afrika, naby die Gariepdam.
Die N1 nasionale pad gaan langs die dorp verby.
Springfontein | |
|---|---|
 | |
  Springfontein Springfontein se ligging in Vrystaat | |
| Koördinate: 30°15′14″S 25°42′14″O / 30.25389°S 25.70389°O 25°42′14″O / 30.25389°S 25.70389°O | |
| Land |  Suid-Afrika |
| Provinsie | Vrystaat |
| Distrik | Xhariep |
| Munisipaliteit | Kopanong |
| Stigting | 1904 |
| Oppervlak | |
| • Totaal | 16,5 km2 (6,4 vk. myl) |
| Hoogte | 1 515 m (4 970 ft) |
| Bevolking (2011) | |
| • Totaal | 3 699 |
| • Digtheid | 224/km2 (580/vk. myl) |
| Rasverdeling (2011) | |
| • Wit mense | 3.1% |
| • Indiërs/Asiërs | 0.5% |
| • Bruin mense | 21.1% |
| • Swart mense | 75.1% |
| • Ander | 0.1% |
| Taal (2011) | |
| • Xhosa | 41.5% |
| • Afrikaans | 28.9% |
| • Sotho | 22.8% |
| • Tswana | 3.1% |
| • Ander | 3.8% |
| Skakelkode | 051 |
Geskiedenis
Die dorp ontleen sy naam aan 'n sterk artesiese fontein op die plaas Springfontein. Hartleydale, 'n deel van die hierdie plaas is in 1904 as die standplaas vir die nuwe dorp verkies. Munisipale status is in 1912 toegeken.
Anglo-Boereoorlog
Gedurende die Tweede Vryheidsoorlog het die Britte 'n konsentrasiekamp hier bedryf. 704 vroue en kinders sterf hier hoofsaaklik van die strawwe winter van 1901. Hulle grafte kan gesien word in die konsentrasiekamp se begraafplaas. Gedurende die oorlog het Emily Hobhouse die kamp besoek om ondersoek in te stel oor omstandighede in kampe.
Distrik
Springfontein is 'n belangrike spoorwegaansluiting. Die hooftrajekte van Port Elizabeth en Oos-Londen na Gauteng kom hier bymekaar. Daar is ook 'n lyn wes via Jagersfontein en Fauresmith na die diamantdorp Koffiefontein. Gemengde boerdery (skape, beeste en mielies) word in die distrik beoefen.
Sien ook
Bron
Verwysings
This article uses material from the Wikipedia Afrikaans article Springfontein, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.