Saccharomyces Cerevisiae
Saccharomyces cerevisiae is 'n gissoort wat baie gebruik word vir die vervaardiging van brood, bier ensomeer.
| Bakkersgis | |
|---|---|
 | |
| Mikroskopiese beeld van S. cerevisiae | |
| Wetenskaplike klassifikasie | |
| Koninkryk: | |
| Filum: | |
| Subfilum: | Saccharomycotina |
| Klas: | Saccharomycetes |
| Orde: | Saccharomycetales |
| Familie: | Saccharomycetaceae |
| Genus: | Saccharomyces |
| Spesie: | S. cerevisiae |
| Binomiale naam | |
| Saccharomyces cerevisiae Meyen ex E.C. Hansen | |
Dit word wêreldwyd as die belangrikste kommersiële mikro-organisme beskou. Dié gis word algemeen as veilig beskou.
Lewenskringloop
S. cerevisiae kan as haploïed sowel as diploïed bestaan. Die diploïede selle kan herhaaldelik vegetatief groei en mitose ondergaan. Die signale wat die ongeslagtelike voortplanting uitlok, word deur die voeding bepaal. Die haploïede selle kom as twee tipe selle voor, wat a en α genoem word. Hulle produseer 'n ander feromoon (die a- en α-faktore) en het 'n reseptor vir die feromoon van die ander tipe sel. Indien 'n a-sel en 'n α-sel saamkom, vorm hulle uitstulpings na mekaar en vorm saam 'n vorm wat sjmoe genoem word. Uiteindelik versmelt hulle en vorm 'n diploïede sel. Indien die nutriënte skaars word vorm haploïede sowel as diploïede selle 'n stasionêre vorm. Indien diploïede selle uitgehonger word vir stikstof en net oor 'n arm koolstofbron, soos asetaat, beskik, vorm hulle vier haploïede spore wat nog beter gehard is as die stasionêrefase-selle.
Gebruike van suurdeeg
Suurdeeg word hoofsaaklik in die bakkery- en brouerybedryf gebruik. Die spesie S. cerevisiae is vir albei hierdie doeleindes geskik.
By die bierbrouprosses word suiker vir die brouersgis van garsmout verkry. Die moutsuiker bestaan uit twee glukosemolekules wat aanmekaar gekoppel is, en dit is 'n uitstekende bron van voedsel vir die gis. Namate die gis groei, word die suiker verander in koolstofdioksied, wat ontsnap, en alkohol, wat in die bier agterbly. Die gisting duur voort totdat die brouersgis al die suiker opgebruik het.
By wynmakery is die spesie Saccharomyces ellipsoideus die belangrikste, alhoewel S. bayanus vir wynsoorte met hoër alkoholinhoud soos Port, gebruik word. Dit omskep die druiwesuiker tot alkohol. Hierdie gis word nie gekweek nie. Omdat dit in die grond voorkom, word dit op natuurlike wyse deur die wingerdplant opgeneem en beland dit sodoende in die gistingskuipe.
Sien ook
Bron
- KENNIS, vol. 7, 1980, bl. 1273, ISBN 0-7981-0829-0
Verwysings
This article uses material from the Wikipedia Afrikaans article Saccharomyces cerevisiae, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.