Chafra (ook Chefren, Engels: Khafra) was ’n Egiptiese farao van die 4de Dinastie tydens ’n tydperk wat bekend is as die Ou Ryk.
Hy was die seun van Choefoe en die opvolger van Djedefre.
Chafra | |||||||||||||||||||||||||||||||||||||||||||||||||||||||||||||||||||
Chefren, Soephis II, Saophis | |||||||||||||||||||||||||||||||||||||||||||||||||||||||||||||||||||
Standbeeld van Chafra, nou in die Egiptiese Museum in Kaïro. | |||||||||||||||||||||||||||||||||||||||||||||||||||||||||||||||||||
Farao van die 4de Dinastie | |||||||||||||||||||||||||||||||||||||||||||||||||||||||||||||||||||
Periode | 26 jaar, omstreeks 2570 v.C. | ||||||||||||||||||||||||||||||||||||||||||||||||||||||||||||||||||
Voorganger | Djedefre | ||||||||||||||||||||||||||||||||||||||||||||||||||||||||||||||||||
Opvolger | Bicheris (?), Menkaoere | ||||||||||||||||||||||||||||||||||||||||||||||||||||||||||||||||||
Vader | Choefoe | ||||||||||||||||||||||||||||||||||||||||||||||||||||||||||||||||||
Monumente | Piramide van Chafra | ||||||||||||||||||||||||||||||||||||||||||||||||||||||||||||||||||
Chafra in Egiptiese hiërogliewe | |||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||
|
Volgens die antieke historikus Manetho is Chafra deur Bicheris opgevolg, maar argeologiese getuienis dui daarop dat Menkaoere eerder sy opvolger was. Chafra het die tweede grootste piramide van Giza laat bou. Sommige Egiptoloë beskou hom ook as die oprigter van die Groot Sfinks van Giza, maar dit word betwis. Daar is nie veel oor Chafra bekend nie, behalwe die historiese verslae van Herodotus, wat hom beskryf as ’n wrede ketter wat Egiptiese tempels gesluit gehou het nadat Choefoe die ingange laat verseël het.
Chafra was die seun van farao Choefoe en die broer en opvolger van Djedefre. Daar word vermoed sy ma was Meritites I omdat hy haar in ’n inskripsie vereer het. Ander glo die inskripsie dui daarop dat die koningin tydens sy bewind dood is. Hy kan dalk ook die seun van koningin Henoetsen wees.
Chafra het verskeie vroue en minstens 12 seuns en drie of vier dogters gehad.
Ander kinders se name is ook bekend, maar nie wie hul ma was nie. Nog seuns sluit in Anchmare, Achre, Ioenmin I en Ioenre. Nog twee dogters is Rechetre en Hemetre.
Daar is geen ooreenstemming oor wanneer Chafra oor Egipte regeer het nie. Sommige skrywers meen dit was tussen 2558 en 2532 v.C., terwyl die Turynse Koningslys die lengte van sy bewind weglaat en Manetho se oordrewe skatting 66 jaar is. Die meeste geleerdes reken dit was tussen 24 en 26 jaar, gebaseer op die datum van prins Nekoere se testament wat uitgekerf is teen die mure van sy mastaba.
Chafra het die tweede grootste piramide by Giza laat bou. Die Egiptiese naam daarvan was Wer(en)-Chafra ("Chafra is groot").
Daar is ook 'n bykomende piramide, GII a, maar dit is nie duidelik wie daar begrawe is nie. Vroeër was daar ’n tempel nader aan die Nyl en een reg by die piramide.
Sommige geleerdes glo die Sfinks dateer uit die tyd van Chafra. Dié teorie word onderskryf deur die Sfinks se ligging naby Chafra se piramide, asook ’n ooreenkoms met gesigstrekke van sy standbeelde. Dit kon gebou gewees het as ’n beskermer van Chafra se piramide en as ’n simbool van koninklike mag.
This article uses material from the Wikipedia Afrikaans article Chafra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.