Pieter Howes: Suid-Afrikaanse joernalis, politieke kommentator, en akteur

In 2007 word hy die eerste inwonende direkteur van die Roodepoort-teater in Johannesburg.

Pieter Howes
Geboortenaam	Pieter Bosch Botha
Geboorte	12 Maart 1985 Johannesburg, Suid-Afrika
Sterfte	6 Mei 2019 (op 34) Sandton, Gauteng, Suid-Afrika
Nasionaliteit	Suid-Afrika
Beroep(e)	Akteur, regisseur, draaiboekskrywer
Aktiewe jare	2003-2019
Toekennings	Standard Bank Ovation Award

Hy was die stiger van "The Enwhitenment Project", 'n projek wat poog om bewusmaking oor witheid te bou met die doelwit om die rasseskeiding te oorbrug. Hy het veral 'n groot gehoor op Twitter geniet en was 'n bydraer by die Amerikaanse webwerf Inquisitr.

Pieter Bosch Botha word op 12 Maart 1985 in Johannesburg, Transvaal, gebore, die seun van At Botha en Annalise Bosch, beide akteurs. Hy begin sy loopbaan as akteur op die ouderdom van 6 met die leidende rol in 'n nasionale televisie-advertensie vir Opel se Monza-motorvoertuigmodel.

Hy voltooi sy studies in 2003 in drama en teater aan die Nasionale Skool van die Kunste. Hy verwerf in drie opeenvolgende jare nasionale kleure vir drama.

Hy was gay en verander sy van na Howes met sy selfdegeslaghuwelik met dokter Craig Howes.

Hy het openlik sy ondersteuning vir die verlinkse politieke party Economic Freedom Fighters verklaar. Hy het aan bipolêre gemoedsteuring en depressie gely.

Hy pleeg selfmoord in Mei 2019. Hy was vir 'n tyd lank vermis voor sy lyk op Saterdag, 4 Mei 2019 in 'n hotelkamer in Sandton, Gauteng gevind is. Hy is vermoedelik aan 'n oordosis pille dood. Vele mense het in reaksie op sy dood eerbetuigings op Twitter gepubliseer.

Regisseur

• 2007: Rapunzel
• 2008: James and the Giant Peach
• 2008: Madiba Magic
• 2008: Liewe Heksie
• 2009: Danny the Champion of the World
• 2009: Little Blue Dress
• 2009: Noises Off!
• 2011: Hoedens
• 2011: Rose Red
• 2012: Swoop
• Rooikappie
• Wasgoed
• The Witches
• The Cage Fighter
• I'll Have What She’s Having...
• Of Birds and Beasts
• Subject to Citizen
• Hats

Akteur

• 2004: Jack and the Beanstalk
• 2005: Die Keiser
• 2006: Cinderella
• 2006: Dames en Here
• 2008: Spoof Full of Sugar
• 2008: Eat Me!
• 2012: Fully Committed
• 2013: Civil Parting
• 2013: The Briefcase
• 2014: The Full Monty
• 2014: Spamalot
• 2015: The Double Bass
• 2015: Miss Margarida's Way

• 2015: Nagrit Op Keetmanshoop

Akteur

Rolprente

• The Van Rooyens

Televisiereekse

• 2003: Soul Buddyz
• 2008: Villa Rosa
• 2008: Backstage
• 2008: Askies!

Draaiboekskrywer

Televisiereekse

• 2014: Villa Rosa

• Pieter Howes op Twitter

  Hierdie artikel is ’n saadjie. Voel vry om Wikipedia te help deur dit uit te brei.