National Provincial Championship

Sedert die begin van die kompetisie is die formaat en handelsmerk al talle kere verander. In 2006 is die kompetisie in twee afdelings opgedeel: die ITM-beker (aanvanklik bekend as die Air New Zealand-beker) en die Heartland-kampioenskap. In 2011 is die boonste divisie opgedeel in twee vlakke wat gebaseer is op die 2010-seisoen se punteleër na die rondomtalie. Spanne 1–7 is toegeken aan die Premierskap en spanne 8–14 aan die Kampioenskap. Daar is outomatiese promosie-/relegasiewedstryde tussen die twee vlakke, “oorkruiswedstryde” en rondomtaliewedstryde binne elke vlak. Die Heartland-kampioenskap is ook opgedeel in twee vlakke na die rondomtaliegedeelte met die boonste vlak wat dan meeding om die Meadsbeker en die onderste vlak om die Lochorebeker. Al 26 Nieu-Seeland se provinsiale unies neem deel aan òf die ITM-beker òf die Heartland-kampioenskap. Die NPC is vir die eerste keer in 1976 gespeel en hoewel die basiese formaat vir die Eerste Divisie baie dieselfde gebly het tot 2006, was daar ’n aantal veranderinge aan die laer divisies.

National Provincial Championship
2022 NPC
Sportsoort	Rugby
Gestig	1976
Inwydingseisoen	1976
Deelnemende lande	Nieu-Seeland
Divisies	Eerste divisie Tweede divisie Derde divisie
Aantal spanne	26
Mees onlangse kampioen	Waikato (2021)
Verwante kompetisies	Mitre 10-beker Heartland-kampioenskap Meadsbeker Lochorebeker Ranfurlyskild
Borg(e)	Air New Zealand

Aanvanklik het die Eerste Divisie bestaan uit 11 spanne waarvan 7 van die Noordeiland en 4 van die Suideiland was. Die oorblywende unies het meegeding om ’n opgedeelde Tweede Divisie met twee spanne van elke eiland wat onder mekaar gespeel het. Die onderste span in die Eerste Divisie van die Suideiland het teen die wenner van die suidelike Tweede Divisie gespeel om promosie/relegasie terwyl die onderste span in die Eerste Divisie van die Noordeiland outomaties gerelegeer is.

Hierdie formaat het tot 1985 volgehou toe die gedeelde Tweede Divisie vervang is met ’n verenigde Tweede Divisie en ’n Derde Divisie. Die boonste en onderste spanne in elke divisie is elke jaar outomaties bevorder en gerelegeer.

In 1992 is drie spanne van die Eerste Divisie gerelegeer sodat daar 9 spanne in elke divisie sou wees. 1992 het ook ’n uitklopfase aan die einde van die toernooi meegebring – voorheen is ’n ligastelsel gebruik.

Auckland was die mees suksesvolle span in die NPC en het 18 van die 46 reekse gewen.

Die enigste verandering voor 2006 was in 1998 toe die aantal spanne verander is na 10 in die Eerste Divisie, 9 in die Tweede Divisie en 8 in die Derde Divisie. Die gelyke aantal spanne in die Eerste Divisie het die noodsaak van loslootjies uitgeskakel. Daardie jaar is die promosie-/relegasiewedstryde tussen die twee boonste divisies ook laat vaar. In plaas daarvan het die wenner van die Tweede Divisie ’n promosie-relegasiewedstryd teen die onderste span in die Eerste Divisie gespeel om te bepaal wie waar sou speel in die volgende seisoen. Tot 2002 het hierdie wedstryd plaasgevind op die tuisveld van die span in die Eerste Divisie maar is in 2003 verander na die tuisveld van die wenner van die Tweede Divisie.

Jaar	Eerste Divisie-wenner	Tweede Divisie-wenner		Ranfurlyskild (seisoeneinde)
		Noordeiland	Suideiland
1976	Bay of Plenty	Taranaki	Suid-Canterbury	Manawatu
1977	Canterbury	North Auckland	Suid-Canterbury	Manawatu
1978	Wellington	Bay of Plenty	Marlborough	North Auckland
1979	Counties Manukau	Hawkesbaai	Marlborough	Auckland
1980	Manawatu	Waikato	Mid-Canterbury	Waikato
1981	Wellington	Wairarapa Bush	Suid-Canterbury	Wellington
1982	Auckland	Taranaki	Southland	Canterbury
1983	Canterbury	Taranaki	Mid-Canterbury	Canterbury
1984	Auckland	Taranaki	Southland	Canterbury
Jaar	Eerste Divisie-wenner	Tweede Divisie-wenner	Derde Divisie-wenner	Ranfurlyskild (seisoeneinde)
1985	Auckland	Taranaki	North Harbour	Auckland
1986	Wellington	Waikato	Suid-Canterbury	Auckland
1987	Auckland	North Harbour	Povertybaai	Auckland
1988	Auckland	Hawkesbaai	Thames Valley	Auckland
1989	Auckland	Southland	Wanganui	Auckland
1990	Auckland	Hawkesbaai	Thames Valley	Auckland
1991	Otago	King Country	Suid-Canterbury	Auckland
1992	Waikato	Taranaki	Nelson Bays	Auckland
1993	Auckland	Counties Manukau	Horowhenua	Waikato
1994	Auckland	Southland	Mid-Canterbury	Canterbury
1995	Auckland	Taranaki	Thames Valley	Auckland
1996	Auckland	Southland	Wanganui	Auckland
1997	Canterbury	Northland	Marlborough	Waikato
1998	Otago	Central Vikings	Mid-Canterbury	Waikato
1999	Auckland	Nelson Bays	Ooskus	Waikato
2000	Wellington	Bay of Plenty	Ooskus	Canterbury
2001	Canterbury	Hawkesbaai	Suid-Canterbury	Canterbury
2002	Auckland	Hawkesbaai	Noord-Otago	Canterbury
2003	Auckland	Hawkesbaai	Wanganui	Auckland
2004	Canterbury	Nelson Bays	Povertybaai	Canterbury
2005	Auckland	Hawkesbaai	Wairarapa Bush	Canterbury
Jaar	Air NZ-beker-wenner	Heartland-kampioenskap-wenner		Ranfurlyskild (seisoeneinde)
		Meadsbeker	Lochorebeker
2006	Waikato	Wairarapa Bush	Povertybaai	North Harbour
2007	Auckland	Noord-Otago	Povertybaai	Auckland
2008	Canterbury	Wanganui	Povertybaai	Wellington
2009	Canterbury	Wanganui	Noord-Otago	Southland
Jaar	ITM-beker-wenner	Heartland-kampioenskap-wenner		Ranfurlyskild (seisoeneinde)
		Meadsbeker	Lochorebeker
2010	Canterbury	Noord-Otago	Wairarapa Bush	Canterbury
Jaar	ITM-beker-wenner		Heartland-kampioenskap-wenner		Ranfurlyskild (seisoeneinde)
	Permierskap	Kampioenskap	Meadsbeker	Lochorebeker
2011	Canterbury	Hawkesbaai	Wanganui	Povertybaai	Taranaki
2012	Canterbury	Counties Manukau	Ooskus	Buller	Waikato
2013	Canterbury	Tasman	Mid-Canterbury	Suid-Canterbury	Counties Manukau
2014	Taranaki	Manawatu	Mid-Canterbury	Wanganui	Hawkesbaai
2015	Canterbury	Hawkesbaai	Wanganui	King Country	Waikato
Jaar	Mitre 10-beker-wenner		Heartland-kampioenskap-wenner		Ranfurlyskild (seisoeneinde)
	Permierskap	Kampioenskap	Meadsbeker	Lochorebeker
2016	Canterbury	North Harbour	Wanganui	Noord-Otago	Canterbury
2017	Canterbury	Wellington	Wanganui	Mid-Canterbury	Taranaki
2018	Auckland	Waikato	Thames Valley	Horowhenua	Otago
2019	Tasman	Bay of Plenty	Noord-Otago	Suid-Canterbury	Canterbury
2020	Tasman	Auckland	Afgelas weens die wêreldwye Covid-19-pandemie		Hawkesbaai
2021	Waikato	Tasman	Suid-Canterbury	Wanganui	Hawkesbaai

Nota: Van 1976 tot 1984 was daar geen Derde Divisie nie, maar die Tweede Divisie is opgedeel in die Noord- en Suideilandkompetisies. Van 1985 tot 2005 was daar drie divisies almal georganiseer op ’n landwye basis. Van 2006 tot 2010 was daar twee divisies van die Nasionale Kampioenskap, die ITM-beker (Air New Zealand-beker van 2006-2009) en die Heartland-kampioenskap. Van 2011 is die boonste divisie opgedeel in twee vlakke wat gebaseer is op die 2010-seisoen se punteleër na die rondomtalie. Spanne 1-7 is toegeken aan die Premierskap en spanne 8-14 aan die Kampioenskap. Daar is outomatiese promosie-/relegasiewedstryde tussen die twee vlakke, “oorkruiswedstryde” en rondomtaliewedstryde binne elke vlak. Die Heartland-kampioenskap is ook opgedeel in twee vlakke na die rondomtaliegedeelte met die boonste vlak wat dan meeding om die Meadsbeker en die onderste vlak om die Lochorebeker.

• ITM-beker
• Heartland-kampioenskap
• Ranfurly-skild