Eersterangse Krieket
Eersterangse krieket (Engels: First-class cricket) is 'n vorm van krieketspel bestaande uit wedstryde wat vir drie of meer dae geskeduleer is, tussen twee spanne van elf spelers elk.
Die wedstryd word amptelik as eersterangs aangewys op grond van die hoë standaard van die mededingende spanne. In sulke wedstryde word spanne toegelaat om twee kolfbeurte elk te speel; alhoewel in die praktyk, 'n span moontlik net een beurt kan kolf (weens 'n groot oorwinning), of glad nie kolf nie (weens gure weer/wedstryd afgelas).
Alhoewel toetskrieket die hoogste standaard van krieket verteenwoordig, is dit self 'n vorm van eersterangse krieket. Die term "eersterangs" word egter meer algemeen gebruik om te verwys na plaaslike/binnelandse kompetisies. 'n Speler se eersterangse statistiek sluit sy vertonings in toetswedstryde in.
As gevolg van die tydseise van eersterangse kompetisies is die spelers meestal betaalde professionele sportslui, maar in historiese opsig neem baie amateurspelers ook daaraan deel. Eersterangse spanne verteenwoordig gewoonlik 'n geopolitieke streek, soos 'n Engelse graafskap, 'n Australiese deelstaat, 'n Suid-Afrikaanse provinsie, 'n Nieu-Seelandse provinsie of 'n Wes-Indiese eilandstaat.
Plaaslik
Tans beskik al twaalf toetsnasies oor minstens een plaaslike eersterangse kriekettoernooi.
| Nasie | Liga(s) |
|---|---|
.svg) Afghanistan | Ahmad Shah Abdali 4-day Tournament |
 Australië | Sheffield Shield |
 Bangladesj | National Cricket League |
 Engeland | County Championship |
 Ierland | Inter-Provincial Championship |
 Indië | Ranji Trophy |
| Duleep Trophy | |
| Irani Cup | |
 Nieu-Seeland | Plunket Shield |
 Pakistan | Quaid-e-Azam Trophy |
 Sri Lanka | Premier Trophy |
 Suid-Afrika | Sunfoil Series |
| Provincial Three-Day Challenge | |
 Wes-Indië | Regional Four Day Competition |
 Zimbabwe | Logan Cup |
This article uses material from the Wikipedia Afrikaans article Eersterangse krieket, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.