Mesosoïkum
Die Mesosoïkum, afgelei van die Grieks μέσος (mésos)= matig, middel en ζώω (zóo)= lewe, is 'n geologiese tydperk wat 251 miljoen jaar gelede begin het en 65,5 miljoen jaar gelede geëindig het.
| Era | Periode | Epog | ≈ Tydperk (Ma) |
|---|---|---|---|
| later | later | later | |
| Meso- soïkum | Kryt | Opper-Kryt | 65,5–99,6 |
| Neder-Kryt | 99,6–145,5 | ||
| Jura | Opper-Jura | 145,5–161,2 | |
| Middel-Jura | 161,2–175,6 | ||
| Neder-Jura | 175,6–199,6 | ||
| Trias | Opper-Trias | 199,6–~228,7 | |
| Middel-Trias | ~228,7–~245,9 | ||
| Neder-Trias | ~245,9–251,0 | ||
| vroeër | vroeër | vroeër |
Dit word in die Trias, Jura en Kryt verdeel. Die Paleosoïkum het die Mesosoïkum voorafgegaan en dit is deur die Kainosoïkum gevolg.
Die Mesosoïkum het begin ná 'n katastrofe aan die einde van die Perm, die laaste periode van die Paleosoïkum. Die oorsaak van die katastrofe is nie bekend nie, maar 90% van alle dier- en plantspesies is uitgewis. Dit het die evolusie van 'n geheel en al nuwe dier- en plantlewe moontlik gemaak. Tydens die Mesosoïkum het die wêreld stadigaan sy huidige vorm begin aanneem. Die dinosourusse het ontstaan, die aarde oorheers en weer uitgesterf. Hulle naaste oorlewende verwante is die voëls en krokodille. Verder het die Pterosauriërs en 'n verskeidenheid waterreptiele ontwikkel wat weer aan die einde van die Mesosoïkum uitgesterf het. Die eerste soogdiere en blomplante het hulle verskyning in die Mesosoïkum gemaak asook die meeste moderne bome.
Die einde van die Mesosoïkum word aangedui deur die Kryt-Paleogeen-uitwissing, wat moontlik veroorsaak is deur die impak van 'n reuse meteoriet wat die Chicxulub-krater op die Yucatán-skiereiland veroorsaak het. Ongeveer 50% van alle genera het uitgesterf, insluitend al die dinosourusse.
Eksterne skakels
Wikiwoordeboek het 'n inskrywing vir Mesosoïkum.
| Proterosoïkum | Fanerosoïese Eon | |||||||||||
|---|---|---|---|---|---|---|---|---|---|---|---|---|
| Neoproterosoïkum | Paleosoïese Era | Mesosoïese Era | Kainosoïese Era | |||||||||
| Ediacarium | Kambrium | Ordovisium | Siluur | Devoon | Karboon | Perm | Trias | Jura | Kryt | Paleogeen | Neogeen | Kwartêr |
This article uses material from the Wikipedia Afrikaans article Mesosoïkum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.