Die manta (Manta birostris) is 'n vis wat wêreldwyd voorkom in tropiese, subtropiese en ook gematigde waters.
Plaaslik kom hulle aan die suid- en ooskus van Suid-Afrika, vanaf Valsbaai tot by die Mosambiekkanaal, asook in Madagaskar en die Maldive voor.
Manta | |
---|---|
'n Manta by Hin Daeng, Thailand | |
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Klas: | |
Subklas: | |
Superorde: | Batoidea |
Orde: | |
Familie: | |
Genus: | Manta Bancroft, 1829 |
Spesie: | M. birostris |
Binomiale naam | |
Manta birostris (Walbaum, 1792) |
Die manta kan tot 6,7 m breed word van vlerkpunt tot vlerkpunt en die mond is voor aan die kop. Die stert is dun en kort. Die manta kan óf donker, gryserige blou of groenerige bruin óf swart aan die bokant wees. Die onderkant is wit. Hulle kom voor by die kontinentale bank in water wat 100 m diep is. Hulle is vivipaar en twee kleintjies word op 'n slag gebore. Mantas is oor die algemeen alleenlopers, maar kan ook in pare voorkom. Hulle spring ook soms uit die water uit.
Hulle word deur die IUBN geklassifiseer as 'n kwesbare spesie. Tot in 2017 was die spesie in die genus Manta geklassifiseer, saam met die kleiner Alfred manta (Mobula alfredi). DNS-toetse het egter getoon dat beide spesies meer verwant is aan rôe van die genus Mobula. As gevolg hiervan, is die reusemanta herdoop na Mobula birostris om sy nuwe klassifikasie te weerspieël.
This article uses material from the Wikipedia Afrikaans article Manta, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.