Kuilsrivier
Kuilsrivier is 'n noordelike voorstad van Kaapstad in die Oostenberggebied tussen Bellville en Somerset-Wes.
Kuilsrivier het ontstaan nadat 'n veepos op pad na Stellenbosch in die laat 17de eeu deur goewerneur Simon van der Stel opgerig is. Dit is naby die groot kuile waar die Kuils- en Bottelaryriviere ontmoet en was deur mylpaal 15 aangedui.
Kuilsrivier | |
|---|---|
 NG Kerk Kuilsrivier | |
  Kuilsrivier Kuilsrivier se ligging in Wes-Kaap | |
| Koördinate: 33°55′28″S 18°40′42″O / 33.92444°S 18.67833°O 18°40′42″O / 33.92444°S 18.67833°O | |
| Land |  Suid-Afrika |
| Provinsie | Wes-Kaap |
| Munisipaliteit | Stad Kaapstad |
| Stigting | 1898 |
| Oppervlak | |
| • Totaal | 39,86 km2 (15,39 vk. myl) |
| Bevolking (2011) | |
| • Totaal | 46 686 |
| • Digtheid | 1 171/km2 (3 030/vk. myl) |
| Rasverdeling (2011) | |
| • Wit mense | 32.6% |
| • Indiërs/Asiërs | 0.9% |
| • Bruin mense | 53.1% |
| • Swart mense | 11.4% |
| • Ander | 1.9% |
| Taal (2011) | |
| • Afrikaans | 60.2% |
| • Engels | 33.2% |
| • Xhosa | 3.2% |
| • Ander | 3.4% |
| Poskode (strate) | 7580 |
| Poskode (posbusse) | 7579 |
| Skakelkode | 021 |
Geriewe en besienswaardighede
Vandag spog die dorp met 'n goeie gholfbaan en bied dit ander ontspanningsgeriewe soos perdry, stap en fietsry deur die nabygeleë fynbosheuwels. Suid-Afrika se grootste versameling klassieke en veteraanmotors kan by die Wijnland Auto Museum besigtig word en 'n versameling van 20ste eeuse Russiese kuns en Faberge-eiers by die Marvol Russiese Museum op die Hazendal Wynlandgoed. Die Zevenwacht wynlandgoed is ook in Kuilsrivier geleë.
Plaaslike bestuur
Kuilsrivier het van 1950 tot 1996 sy eie munisipaliteit gehad en van 1996 tot 2000 was die dorp deel van die tussentydse Oostenberg-munisipaliteit. Sedert 2000 is dit deel van die Stad Kaapstad Metropolitaanse Munisipaliteit.
Wapen
Kuilsrivier se munisipale raad het in 1955 'n wapen aangeneem wat deur Ivan Mitford-Barberton ontwerp is: Deurgesny van rooi en golwend gedwarsbalk van silwer en blou, in die skildhoof 'n goue juk met vier skeie; 'n silwer skildhoof belaai met 'n rennende springbok van natuurlike kleur. Die wapen is in 1956 by die Kaapse Provinsiale Administrasie geregistreer.
Bekende persone gebore in Kuilsrivier
- Herman Charles Bosman - bekende skrywer.
Verwysings
This article uses material from the Wikipedia Afrikaans article Kuilsrivier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.