Kitalpha (ook bekend as Alpha Equulei of α Equ) is die helderste ster in die sterrebeeld Vul (Equuleus).
Dit is 190 ligjare van die Son af.
Kitalpha | ||||
Kitalpha se ligging (in die rooi sirkel). | ||||
Sterrebeeld | Vul | |||
Bayer-naam | Alpha Equulei | |||
Spektraaltipe | G7III + kA3hA4mA9 | |||
Soort | Dubbelster | |||
Waarnemingsdata (Epog J2000) | ||||
Regte klimming | 21h 15m 49.43192s | |||
Deklinasie | +5° 14′ 52.2430″ | |||
Skynmagnitude (m) | 3,919 | |||
Absolute magnitude (M) | 0,17 (0,71 + 1,18) | |||
B-V-kleurindeks | +0,529 | |||
U-B-kleurindeks | +0,284 | |||
Besonderhede | ||||
Massa (M☉) | A: 2,3 B: 2 | |||
Radius (R☉) | A: 9,2 B: 2,6 | |||
Ligsterkte (L☉) | A: 52,5 B: 26,3 | |||
Ouderdom (jaar) | B: 740 miljoen | |||
Temperatuur (K) | A: 5 100 B: 8 150 | |||
Rotasiespoed (km/s) | A: 20 | |||
Ander name | ||||
8 Equulei, HR 8131, HD 202447, BD +04 4635, HIP 104987, SAO 126662, FK5 800, GC 29735 | ||||
|
Die ster se Bayer-naam is "Alpha Equulei" en sy Flamsteed-naam "8 Equulei". Die tradisionele naam, "Kitalpha", kom van die Arabiese قطعة الفرس qiṭ‘a(t) al-faras, "’n deel van die perd".
In 2016 het die Internasionale Astronomiese Unie se sternaamwerkgroep (WGSN) die naam "Kitalpha" vir die ster goedgekeur
Die gesamentlike klassifikasie van α Equ is ’n G-tipe reusester met ’n skynbare magnitude van 3,92, maar dit is ’n dubbelster. Die primêre komponent is ’n G7-reus wat ’n ligsterkte van sowat 50 keer dié van die Son het. Sy oppervlaktemperatuur is 5 100 K en sy radius 9,2 keer die Son s’n.
Die sekondêre ster is ’n A-tipe hoofreeksster met ’n ligsterkte van sowat 26 keer die Son s'n. Dit het ’n oppervlaktemperatuur van 8 150 K en ’n radius van 2,6 sonradiusse. Dit is ’n chemies buitengewone Am-ster.
Die twee sterre wentel elke 988 dae in ’n sirkulêre wentelbaan om mekaar. Volgens hulle wentelsnelhede is hulle massas onderskeidelik 2,3 en 2 sonmassas.
This article uses material from the Wikipedia Afrikaans article Kitalpha, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.