Jan Morris (Genoot van die Koninklike Genootskap van Literatuur; 2 Oktober 1926 - 30 November 2020) was 'n Walliese geskiedkundige, outeur en reisskrywer.
In 1951 het sy haar BA- en in 1961 haar MA-graad aan Christ Church College, Oxford behaal. Gedurende haar loopbaan as geskiedkundige en reisskrywer het sy haar eie kenmerkende styl ontwikkel wat aan haar byname soos "die Flaubert van die stralertydperk" (Alistair Cooke) besorg het, terwyl Rebecca West na haar verwys het as "moontlik die beste beskrywende outeur van ons tyd".
Jan Morris | |
---|---|
Gebore | James Humphrey Morris 2 Oktober 1926 Clevedon, Somerset, Engeland |
Sterf | 30 November 2020 |
Nasionaliteit | Wallis |
Beroep | Reisskrywer, geskiedkundige |
Haar beskrywings van metropole en lande soos Venesië, Oxford, Manhattan, Sydney, Hong Kong, Spanje, Wallis en Triëst toon groot insig in die karakter en historiese agtergrond van plekke en mense wat sy besoek het. Sy is veral bekend om die Pax Britannica trilogie (1968–1978), 'n historie van die Britse Ryk. Daarnaas het twee outobiografiese werke, ses bundels met versamelde reisverhale en essays, asook 'n roman uit haar pen gekom.
Sy was transseksueel, en het tot 1972 onder haar geboortenaam, James, gepubliseer, toe sy geslagtelike her-toedeling ondergaan het toe sy oorgegaan het van 'n leefstyl as man na dié van 'n vrou.
Morris is gebore in Engeland as die kind van 'n Engelse moeder en Walliese vader, en het haar opvoeding ontvang aan Lancing Kollege, Wes Sussex, en Christ Church, Oxford, en beskou haarself as Wallies.
Morris het in die afsluitingsfases van die Tweede Wêreldoorlog gedien in die 9de Queen's Royal Lancers en is in 1945 gestasioneer na die Vrye Gebied van Trieste gedurende die gesamentlike Brits-Amerikaanse okkupasie.
Na die oorlog het Morris vir The Times geskryf, en in 1953 was sy die korrespondent van die koerant wat die 1953 Britse Berg Everest Ekspedisie begelei het, wat die eerste ekspedisie was om Berg Everest uit te klim. Morris het in 'n gekodeerde boodskap aan die koerant verslag gegee oor die sukses van Hillary en Tenzing.
Morris het in 1956 vanaf Siprus vir die Britse dagblad The Guardian verslag gelewer oor die Suez-krisis, en die eerste "onbetwiste bewyse" van samespanning tussen Frankryk en Israel met betrekking tot die inval van Egiptiese grondgebied gelewer, met haar onderhoude van Franse lugmagvlieëniers wat bevestig het dat hulle ter ondersteuning van Israeliese magte in aksie was.
Morris was gekant teen die Falklandoorlog.
Morris het meestal in Noord-Wallis gewoon.
This article uses material from the Wikipedia Afrikaans article Jan Morris, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.