Die Gereformeerde kerk Wilropark is die jongste gemeente van die Gereformeerde Kerke in Suid-Afrika in die Wes-Randse stad Roodepoort.
Gereformeerde Kerk Wilropark | ||
Sluit in | Breunanda (Roodepoort-deel) Roodekrans Wilropark | |
Klassis | Wesrand | |
Huidige predikant(e) | A.S.A. (Stefaans) de Bruyn | |
Belydende lidmate | 276 | |
Dooplidmate | 82 | |
Adres | H.v. Kiepersol- en Haakdoringstraat Wilropark, Roodepoort | |
Geskiedenis | ||
Stigtingsdatum | 7 Junie 1981 | |
Afgestig van | Roodepoort | |
Eerste predikant | G. du Plessis |
Wilropark het op 7 Junie 1981 van die Gereformeerde kerk Witpoortjie afgestig wat op sy beurt op 8 Oktober 1972 van die Gereformeerde kerk Roodepoort afgestig het, ’n dogtergemeente van die Gereformeerde kerk Florida. Wilropark is dus ’n agterkleindogter van die Gereformeerde kerk Krugersdorp, wat op 25 April 1896 as die eerste Gereformeerde kerk aan die Witwatersrand gestig is, ’n maand voor die Gereformeerde kerk Johannesburg.
In 1983 het die kerkraad die argitek Albert Monteith, wat ook verantwoordelik was vir die Gereformeerde kerk Brackenhurst, opdrag gegee om ’n doelmatige kerkgebou met sewe katkisasielokale te ontwerp. Vir dié doel het die gemeente ’n erf aangekoop wat uitkyk op ’n natuurreservaat. Op 24 Augustus 1985 is Wilropark se kerkgebou amptelik in gebruik geneem. Weens ’n geldtekort kon die gemeente nie hul planne vir ’n klok, orrel en die katkisasielokale uitvoer nie, maar hulle kon wel ’n tweedehandse Ahlbon-orrel aankoop, wat in 1994 plek gemaak het vir ’n elektroniese Allen-orrel. Dié instrument se luidsprekers is in die vorm van ’n kruis voor in die kerk aangebring.
This article uses material from the Wikipedia Afrikaans article Gereformeerde kerk Wilropark, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.