Ethan Allen-Klas Duikboot
Die Ethan Allen-klas duikboot is die tweede klas kernaangedrewe duikbote van die Amerikaanse Vloot wat ballistiese missiele kon dra.
| Subklas van | ballistiese missiel duikboot |
|---|---|
| Kort naam | Ethan Allen |
| Vernoem na | USS Ethan Allen |
| Land van oorsprong | Verenigde State |
| Operateur | Amerikaanse Vloot |
| Vervaardiger | General Dynamics Electric Boat |
Hierdie klas is ontwikkel vanaf die eerste ballistiese duikboot, die USS George Washington (SSBN-598) en is vernoem na Ethan Allen, 'n Amerikaanse patriot en boer. Die eerste duikboot van die klas, USS Ethan Allen, is die eerste duikboot wat 'n Polaris A1-missiel met lewendige kernplofkoppe afgevuur het op 6 Mei 1962. Die missiel is gelanseer terwyl die duikboot onderwater was in die Stille Oseaan en die plofkop is iewers oor die suidelike Stille Oseaan geaktiveer.
Later is die klas toegerus met A2-missiele en nog later die A3-tipe in die 1970's. Al vyf die duikbote in die klas is later herklassifiseer as jagduikbote as deel van die Strategic Arms Limitation Treaty I (SALT) ooreenkoms. Die missielseksies in die duikbote is uit diens gestel in 1981; die missielbeheerstelsel en die missiele verwyder en die missielbuise is volgestop met betongietstukke.
Die Lafayette-klas duikboot is ontwikkel uit die Ethan Allen-klas.
Duikbote in die klas
Duikbote van die Ethan Allen-klas:
| Naam en rompnommer | Bootbouer | Kiel gelê | Te water gelaat | In diens gestel | Lot |
|---|---|---|---|---|---|
| USS Ethan Allen (SSBN-608) | General Dynamics Electric Boat | 14 September 1959 | 22 November 1960 | 8 Augustus 1961 | Uit diens gestel 31 Maart 1983. Herwin deur Skeeps-Duikboot herwinnings program, 1999 |
| USS Sam Houston (SSBN-609) | Newport News Shipbuilding and Drydock Co. | 28 Desember 1959 | 2 Februarie 1961 | 6 Maart 1962 | Uit diens gestel 6 September 1991. Herwin deur Skeeps-Duikboot herwinnings program, 1992 |
| USS Thomas A. Edison (SSBN-610) | General Dynamics Electric Boat | 15 Maart 1960 | 15 Junie 1961 | 10 Maart 1962 | Uit diens gestel 1 Desember 1983. Herwin deur Skeeps-Duikboot herwinnings program, 1997 |
| USS John Marshall (SSBN-611) | Newport News Shipbuilding and Drydock Co. | 4 April 1960 | 15 Julie 1961 | 21 Mei 1962 | Uit diens gestel 22 Julie 1992. Herwin deur Skeeps-Duikboot herwinnings program, 1993 |
| USS Thomas Jefferson (SSBN-618) | Newport News Shipbuilding and Drydock Co. | 3 Februarie 1961 | 24 Februarie 1962 | 4 Januaryie 1963 | Uit diens gestel 24 Januarie 1985. Herwin deur Skeeps-Duikboot herwinnings program, 1998 |
Tegniese besonderhede
| Item | Statistiek |
|---|---|
| Verplasing (oppervlak) | 6 790 metrieke ton |
| Verplasing (onderwater) | 7 873 metrieke ton |
| Lengte | 125,0 m |
| Breedte | 10,0 m |
| Aandrywing | 1 x S5W kernreaktor |
| Spoed (oppervlak) | 22,0 knope |
| Spoed (onderwater) | 25,0 knope |
| Bemanning | 110 persone |
| Wapens | 16 Polaris missiele 4 x 533 mm torpedobuise |
Bron
- The Illustrated Encyclopedia Of Destroyers Frigates & Submarines, Bernard Ireland en John Parker, 2015, ISBN 978-0-85723-601-2
Verwysings
This article uses material from the Wikipedia Afrikaans article Ethan Allen-klas duikboot, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.