Lephalale
Ellisras of amptelik Lephalale is 'n steenkoolmynboudorp in die weste van die Limpopoprovinsie, in die noorde van Suid-Afrika.
Lephalale | |
|---|---|
  Lephalale Lephalale se ligging in Limpopo | |
| Koördinate: 23°40′S 27°45′O / 23.667°S 27.750°O 27°45′O / 23.667°S 27.750°O | |
| Land |  Suid-Afrika |
| Provinsie | Limpopo |
| Distrik | Waterberg |
| Munisipaliteit | Lephalale |
| Stigting | 1960 |
| Regering | |
| • Tipe | Plaaslike Munisipaliteit |
| Oppervlak | |
| • Totaal | 66,94 km2 (25,85 vk. myl) |
| Bevolking (2011) | |
| • Totaal | 17 639 |
| • Digtheid | 264/km2 (680/vk. myl) |
| Rasverdeling (2011) | |
| • Wit mense | 37.2% |
| • Indiërs/Asiërs | 1.1% |
| • Bruin mense | 3.3% |
| • Swart mense | 58.0% |
| • Ander | 0.4% |
| Taal (2011) | |
| • Afrikaans | 39.0% |
| • Noord-Sotho | 22.1% |
| • Engels | 12.0% |
| • Tswana | 7.6% |
| • Ander | 19.2% |
| Poskode (strate) | 0555 |
| Poskode (posbusse) | 0555 |
| Skakelkode | 014 |
| Webwerf | http://www.lephalale.gov.za/ |
Geskiedenis
Ellisras is een van die jongste dorpe in Suid-Afrika en is vernoem na Patrick Ellis en Piet Erasmus. Die dorp is in 1960 op die plaas Waterkloof uitgelê en het in 1986 munisipale status verwerf.
Distrik
Die dorp is die hart van die Bosveld se wildbedryf; daar is 'n groot verskeidenheid en oorvloed wild in die omgewing. Trofeejagters kom van oor die hele wêreld na Ellisras. Veeboerdery is gevestig in die distrik terwyl grondbone en tabak ook verbou word. Die jaarlikse Bosveldfees word ook hier gehou.
Steenkool
Steenkool is in die 1920's op die plaas Grootgeluk ontdek toe daar vir water geboor is. Die reserwes is ongelooflik groot; daar word beraam dat ongeveer die helfte van Suid-Afrika se reserwes hier geleë is. Die steenkool vorm deel van die Waterberg-steenkoolveld. Yskor bedryf 'n oopgroefmyn by Grootgeluk wat steenkool verskaf aan Matimba-kragstasie, die grootste lugverkoelde kragstasie ter wêreld. Die myn en kragstasie is in die 1970's gebou. Van die steenkool word as hoëgraadse metallurgiese kooks vir Yskor se aanlegte verwerk.
Medupi Kragsentrale
Die Medupi Kragsentrale is tans in aabou in die omgewing.
Sien ook
Verwysings
This article uses material from the Wikipedia Afrikaans article Lephalale, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.