Yskor
Yskor, of die Suid-Afrikaanse Yster en Staal Industriële Korporasie Beperk, is in 1928 deur Hendrik van der Bijl begin as 'n staatsorganisasie ingevolge die Yster- en Staalwet, Nr.
11 van 1928, met sy eerste werke in Pretoria. Dit is gestig as 'n statutêre parastatale organisasie met die doelstelling om yster en 'n reeks staalprodukte te vervaardig en werksgeleenthede te skep vir gemeenskappe wat naby sy bedrywighede is. Die eerste staal is op 4 April 1934 by die Pretoriawerke vervaardig. Die wêreld se behoefte aan staal en die plaaslike vervaardiging van talle benodigdhede het 'n skerp toename in die vraag na staal tot gevolg gehad wat die uitbreiding van die onderneming genoodsaak het.
| ArcellorMittal | |
 | |
| Tipe | Industriële staalvervaardiging |
|---|---|
| Gestig | 1928 |
| Stigter(s) | Hendrik van der Bijl |
| Hoofkantoor | Pretoria, Suid-Afrika |
| Gebied bedien | Wêreldwyd |
| Industrie | Staalvervaardiging |
| Produkte | Staal en verwante produkte |
| Inkomste | R45,2 miljaard (2018) |
| Netto inkomste | R 1,3 miljaard (2018) |
| Bates | R28,5 miljaard (2018) |
| Werknemers | 209 000 (2018) |
| Eienaar | Mittal Steel Company NV |
| Slagspreuk | Transforming Tomorrow |
| Webwerf | https://arcelormittalsa.com/ |
Die plaatfabriek by Vanderbijlpark Works is in 1943 in gebruik geneem hoofsaaklik vir die vervaardiging van swaar plate vir skeepsherstelwerk en die vervaardiging van gepantserde voertuie vir die oorlogspoging van Suid-Afrika. Direk na die oorlog vroeg in 1947 het die maatskappy besluit om 'n volledig-geïntegreerde staalwerke in Vanderbijlpark te bou. Yskor het in 1947 begin handel dryf.
Die konstruksie van 'n geïntegreerde staalwerke in Newcastle het in 1971 begin. In November 1989 is Yskor geprivatiseer en Yskor Beperk-aandele is in die Steel and Allied Sector van die Johannesburgse aandelebeurs genoteer. Yskor het teen middel 1991 die staalafdeling van USCO (vandag Vereeniging Works) gekoop.
'n Gesamentlike onderneming met die Industrial Development Corporation is in 1996 begin om die Saldanha-staalfabriek (Saldanha Steel Mill) te bou. Saldanha-Staal is in 1998 in gebruik geneem en produksie het in 1999 begin. In Desember 2001 is Yskor se staal- en myngroepe in twee afsonderlik genoteerde mynbou- en staalondernemings ontbondel, naamlik Kumba Resources en Yskor. Ten tyde van die ontbondeling het die myne wat deur Yskor ontwikkel is vir steenkool, sink en sekere industriële minerale wat in staalproduksie gebruik word, saam met sy twee ysterertsmyne sowel as sy swaarmineraalbelange deel geword van Kumba Resources. Einde 2002 het Yskor volle beheer oor die Saldanha-staalfabriek verkry.
In Februarie 2003 het LNM Holdings beheer oor Yskor Beperk geneem deur 'n gedeeltelike uitkoop van R1,8 miljard en in Augustus 2004 is die maatskappy herdoop tot Ispat Iscor Limited.
In Desember 2004 het Ispat International NV (die moedermaatskappy van Ispat Iscor) LNM Holdings NV verkry. Na die verkryging is die naam van die saamgesmelte maatskappy verander na Mittal Steel Company NV. Ispat Iscor Limited het in Maart 2005 met die nuwe naam Mittal Steel South Africa Limited begin handel dryf.
Na die samesmelting tussen Mittal Steel en Arcelor, het Mittal Steel Suid-Afrika in Oktober 2006 onder die nuwe naam, ArcelorMittal South Africa, begin verhandel.
Lees ook
Verwysings
Eksterne skakels
- http://www.iscor.co.za/ Geargiveer 19 Desember 2019 op Wayback Machine
This article uses material from the Wikipedia Afrikaans article Yskor, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.