Coracias

Hulle is tuis in boom- en bosveld en is kleurryk geveerd, met blou en bruin as die oorheersende kleure. Hul prooi is ongewerweldes en insekte wat hulle op die grond, in bome of in vlug vang nadat die omgewing van 'n wagpos af bespied is. Die twee buitenste voortone van elke poot is by die basis aan mekaar verbind.

Coracias
'n Volwasse Europese troupant (Coracias garrulus) in Spanje met honderdpoot-prooi
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Coraciiformes
Familie:	Coraciidae
Genus:	Coracias Linnaeus, 1758
Spesies
8, sien teks
Sinonieme
Galgulus Brisson, 1760

 

Die genus Coracias is in 1758 deur die Sweedse natuurkundige Carl Linnaeus in die tiende uitgawe van sy Systema Naturae ingevoer. Die genusnaam kom uit Grieks korakías (κορακίας), wat heenwys op korax (κόραξ, ‘raaf, kraai’). Aristoteles het die korakias beskryf as 'n voël van kraaigrootte met 'n rooi snawel, wat volgens sommige die Alpekraai (genus Pyrrhocorax) kan wees. Die tipespesie is in 1855 deur G.R. Gray aangedui as die Europese troupant (Coracias garrulus). Die filogenetiese verwantskappe tussen die spesies is in 'n molekulêre studie van 2018 uiteengesit.

Die volgende spesies behoort aan die genus:

• Coracias cyanogaster — Bloupenstroupant
• Coracias naevius — Groottroupant
• Coracias spatulatus — Spatelsterttroupant
• Coracias caudatus — Gewone troupant
• Coracias abyssinicus — Saheltroupant
• Coracias garrulus — Europese troupant
• Coracias benghalensis — Indiese troupant
• Coracias affinis — Birmaanse troupant
• Coracias temminckii — Sulawesitroupant

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

• Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7