Cathcart
Cathcart is 'n dorp in die Oos-Kaap, tussen Komani (Queenstown) en Stutterheim.
Die N6 nasionale pad loop deur Cathcart.
Cathcart | |
|---|---|
 Cathcart se hoofstraat | |
  Cathcart Cathcart se ligging in Oos-Kaap | |
| Koördinate: 32°18′S 27°8′O / 32.300°S 27.133°O 27°8′O / 32.300°S 27.133°O | |
| Land |  Suid-Afrika |
| Provinsie | Oos-Kaap |
| Distrik | Amathole |
| Munisipaliteit | Amahlathi |
| Stigting | 1858 |
| Oppervlak | |
| • Totaal | 203,6 km2 (78,6 vk. myl) |
| Bevolking (2011) | |
| • Totaal | 35 672 |
| • Digtheid | 175/km2 (450/vk. myl) |
| Rasverdeling (2011) | |
| • Wit mense | 4.9% |
| • Bruin mense | 0.5% |
| • Swart mense | 94.6% |
| Taal (2011) | |
| • Xhosa | 93.7% |
| • Engels | 3.1% |
| • Noord-Sotho | 1.6% |
| • Afrikaans | 1.0% |
| • Ander | 0.5% |
| Skakelkode | 046 |
Geskiedenis
Die dorp het ontstaan as 'n militêre buitepos aan die hange van die Windvogelberg. Die dorp is aanvanklik vernoem na 'n hoofman van die San voordat hulle deur die Thembu Xhosas verdryf is. Die eerste woonerwe is in 1858 verkoop en die dorp hernoem na sir George Cathcart, goewerneur van die Kaapkolonie van 1852 tot 1854. Sir George het die Agtste Grensoorlog tussen die Xhosas en die setlaars beëindig. Hy het ook baie gedoen om die veiligheid van die grensbewoners te verbeter.
NG gemeente
Vir hoofartikel sien NG gemeente Cathcart
Die gebied wat nou Cathcart heet, was sowat 30 jaar lank 'n buitewyk van die NG gemeente Queenstown, maar teen Julie 1905 het daar sprake van afstigting gekom. Toe 'n gemeentevergadering gehou is, kon daar egter nie tot 'n beslissing gekom word nie. Hierop is besluit om lyste uit te stuur om die gevoel van die lidmate te toets. Die gevolg hiervan was dat weer 'n gemeentevergadering gehou is, waarop die stemming meer beslissend was. Die gemeente is egter eers op 26 Oktober 1907 amptelik gestig.
Op 28 Julie 1906 is reeds besluit om 'n baie ruim pastorie op die dorp te bou om te voorsien in die behoeftes van die predikante, wat gewoonlik 'n baie groot huisgesin gehad het. Die pastorie het £1 270 gekos, maar het nog te klein geblyk te wees en is in 1913 teen 'n koste van £115 vergroot met 'n vertrek wat as studeerkamer vir die leraar kon dien. In 1950 is dié gebou as skoolkoshuis verkoop en toe het die kerkraad besluit om 'n nuwe langs die kerkgebou op te rig. Hiermee is in 1951 begin.
Distrik
Sien ook
Verwysings
Bron
| Wiki Commons bevat media in verband met Cathcart. |
This article uses material from the Wikipedia Afrikaans article Cathcart, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.