Inaccessible-Eilandriethaan
Die Inaccessible-eilandriethaan (Atlantisia rogersi) is 'n klein voël in die familie van riethane.
Dit is die enigste spesie in die genus Atlantisia. Die eilandriethaan is die wêreld se kleinste lewende voëlspesie wat nie kan vlieg nie. Daar was al kleiner spesies wat nie kon vlieg nie, soos die Stephens-eilandrotswinterkoning, maar hulle het reeds uitgesterf.
| Inaccessible-eilandriethaan | |
|---|---|
.jpg) | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Atlantisia Lowe, 1923 |
| Spesie: | A. rogersi |
| Binomiale naam | |
| Atlantisia rogersi Lowe, 1923 | |
Beskrywing
Die eilandriethaan weeg gemiddeld 30 g en is 17 cm lank. Hulle is donker-roesbruin bo en donkergrys onder, met 'n kort swart snawel en rooi oë. Dit is 'n uiters lawaaierige voël. Hulle is baie nuuskierig en verlaat maklik hul skuiling om vreemde voorwerpe te ondersoek. Hulle vreet erdwurms, motte, bessies en sade. Twee eiers word tussen Oktober en Januarie gelê. Die kuikens is kwesbaar vir predasie deur die Tristanlyster (Turdus eremita).
Verspreiding en habitat
Die Inaccessible-eilandriethaan kom slegs op Inaccessible-eiland in die suidelike Atlantiese Oseaan voor. Die eiland is 'n rustende vulkaan, sowat 29 km suidwes van Tristan da Cunha, wat eers in 1982 volledig gekarteer is. Dit was aanvanklik moeilik om die binneland van die eiland te bereik, vandaar die naam. Die eiland is as 'n wêrelderfenisgebied verklaar en is 'n belangrike broeiplek vir seevoëls.
Die enigste rede hoekom dié spesie sedert die ontdekking van die eiland deur mense oorleef het, is omdat dit nog nie deur soogdiere soos muise en rotte binnegedring is nie. Soogdiere is 'n ernstige bedreiging vir voëls op geïsoleerde eilande, soos blyk uit die verwoesting wat huismuise op die nabygeleë Gougheiland gesaai het.
Verwysings
Eksterne skakels
- Wiki Afrikaans
Wiki Commons het meer media in die kategorie Inaccessible-eilandriethaan. - Wiki Afrikaans
Wikispecies het meer inligting verwant aan Inaccessible-eilandriethaan
This article uses material from the Wikipedia Afrikaans article Inaccessible-eilandriethaan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.